Friday, July 19, 2024
spot_img

A·dokni dingtang dingtang project-na Conrad, Union Minister-rangko gronga

Date:

Share post:

spot_img
spot_img

NEW DELHI: Meghalaya a·doko a·bachengatgipa aro ra·gatna sienggipa dingtang dingtang project-rangna dakchakaniko bi·na gita a·dokni Chief Minister Conrad K Sangma, ma·mong sorkarini dingtang dingtang Union Minister-rangko gronge agangrikangaha.
Sombar salo ua, Union Finance Minister Nirmala Sitharaman-ko grongenba, Meghalaya Economic Growth Accelerator Corridor Project-na tangka paisani gita dakchakanirangko on·china mol·molangaha. Ia project-na tangka paisarangko ta·raken nangengani gimin a·dokni Chief Minister, iani bidingo dakchakaniko on·china Union Finance Minister-ko mol·molangaha.
Apsan salon ua, ma·mong sorkarini gital DoNER Minister Jyotiraditya Scindia-koba grongeaha aro a·dokni dingtang dingtang infrastructure development project-rangna dakchakanirangko on·china mol·molangaha. DoNER Ministry-ni ning·o Meghalaya aro salgro salaramni gipin a·dokrangnaba tangka paisa chamaniko bariatchina gita Chief Minister, DoNER Minister-ko mol·molangaha.
Meghalaya a·dokni Chief Minister baksa tom·e agangrikani ja·man DoNER Minister Jyotiraditya Scindia, ‘X’ social media-o janapatengon, “Salgro salaramni namroro silroroanina mongsonggipa kamrangni bidingo chanchirimna man·aha. Mikkangchi Meghalaya a·dokni namroro silroroanina apsan nangrime kamrangko ka·angkuna ka·dongsoenga,” ine parakataha.
Uni ja·man a·dokni Chief Minister Conrad K Sangma, Skill Development & Entrepreneurship-ni Minister of State Jayant Choudhury-ko grongeaha aro Shillong baksana Tura songjinmarango Skill Parks-ko kulina miksongengani gimin talatanirangko on·angaha.
Union Commerce & Industry Minister Piyush Goyal-koba a·dokni Chief Minister grongeaha aro Meghalaya a·doko industry-rangko mangrakbatatna gita dakchakanirangko on·angkuchina didiangaha.

spot_img
spot_img

Related articles

Argentina’s vice-president defends Enzo Fernandez

BUENOS AIRES, July 18: Argentina’s vice-president Victoria Villarruel defended forward Enzo Fernandez and the national football team as...

Organisers hopeful JN Stadium will be ready for Durand Cup

SHILLONG, July 18: The prestigious Durand Cup is being organised for the first time in the state, even...

Turao, NESLET Centre-ko songchina GSMC dabia

SHILLONG: Turao, State Level Eligiblility Test (SLET) Centre-B-ko kulichina gita Garoland State Movement Committee (GSMC) CEC, H.Q. Tura-ni...

Lionel Messi asked to apologize for Argentina players’ racist chants

LONDON, July 18: Lionel Messi faced calls to apologize for racist chants made by Argentina’s players after they...