NEW DELHI: Dadasaheb Phalke Icon Award Films Organisation, Meghalaya-ni Minister aro BJP-ni a·gipi dilgipa Alexander Laloo Hek-na, uni bimchipgipa aro bil gnanggipa minister ong·anina mijal Dubai-o mingsa award ceremony-ko ong·atgipao award-ko on·angaha.
Ia non-Governmental organisation-ni gita dingtang dingtang film industry, education, bading-chiwalgipa, toromni dilgipa, niam dakgipa, ugitarango chu·sokgiparangna mijalo mandera·e award ba boksisrangko on·anio ra·chakgiparangoni Meghalaya Minister AL Hek-ba dongpaaha. BJP-chi sason ka·enggipa Rajasthan-ni Minister saksaba ia award-ko ra·chakpaaha.
Unaskangoba ia bilsion, A·dok uandake A·songna namgipa on·gilanirangko dakani gimin Hek, nambatsranggipa Minister aro Social Worker award-ko man·ahachim. Uni ja·mano, Union Minister of State for Social Justice, Ramdas Athawale, apsan Dadasaheb Phalke Icon Award award-ko Hek-na New Delhi-o pakwataha, aro songsalna uni bimchipe dangdike on·ani giminba uko mittelangaha.(eom)
