Saturday, August 30, 2025
spot_img

Mukul aro gitcham dilgiparangko Congress dolni dilgipa okampila

Date:

Share post:

spot_imgspot_img

SHILLONG: TMC-ni dilgipa aro a·dokni gitcham chief minister Conrad K Sangma-ko man·chape pilaknan Congress dolni do·gako oe donenga ine Robibar salo, Opposition dolni dilgipa aro Congress Parliamentary Party-ni dilgipa Ronnie V Lyngdoh parakataha.

Mukul Sangma aro uni manderangko Congress dolona re·bapilna on·jawaha ine adita salrangna skangsan Tura-ni gital Congress MP Saleng Sangma aganahani gimin Opposition dolko dilgipani aganani baksa namen dingtanggrikaniko mesokaha.

“Chinga darangkoba biming mingtee okamna nangnikjaenga indiba Congress dolde pangnan gimikkon rimchakna kusi ong·aia. Chinga iani saksa ba sakgni dilgiparangkosan okamenga ong·ja indiba na·simang, party-ni miksonganirang gita kamko ka·na nangnikenga ong·ode na·simangna Congress dolni do·gako pangnan oe donaienga,” ine Lyngdoh aganaha.

Mukul Sangma aro uni manderangko Congress dol nokchaktaipilna kusi ong·aigenma ine sing·anina Lyngdoh, ia kattarangko aganaha.

Mukul aro uni manderangko Saleng-ni nokchakjana agangipani bidingo sing·on, “Ukode na·simang MP-osa sing·aiboha maina chinga party-ni gitade iani bidingo chanchirima dongkuja. Congress dolona pilakkon okamenga ine aganon chinga badiaba mandeko ba dilgipako miksonge aganenga ong·ja,” ine Lyngdoh aganaha.

Congress doloni wate katgiparang party-ona re·bapilengama ine sing·skaon, “Da·o dipet chinga iani bidingo chanchirima dongkuja maina adita salrangna skangmangmangsan Lok Sabha election matchotaha aro chinga kamrangko name ka·kujaenga. Somoi ong·ahaon chinga pilak kamrangkon nangani kri ka·anggen,” ine Congress parliamentary party-ni dilgipa aganaha.

Shillong Lok Sabha constituency-o amako man·ahani gimin janapatskaengon, “Congress dolsan ong·aija pilak political dolrangan iandakgipa biteko cha·tote niade dongaia maina manderang pangnan gital dilgipana cholko on·e nina skani donga aro ia chango uamang gital dilgipana cholko on·aha,” ine Lyngdoh parakataha.

spot_imgspot_img

Related articles

Malaysia rout B’desh 4-1, Korea start title defence in style

Rajgir, Aug 29: Malaysia came from a goal down to crush lower-ranked Bangladesh 4-1 before title holders Korea...

Sindhu’s sixth World Champion medal bid ends in agony

Paris, Aug 29: Two-time Olympic medallist PV Sindhu’s quest for a sixth World Championships medal ended on Friday...

Pak included in FIH Pro League, set to face India at neutral venues

New Delhi, Aug 29: Pakistan team will be a part of the upcoming seventh season of the men’s...

Mondo track’s unveiling highlight of National Sports Day celebrations

New Delhi, Aug 29: The unveiling of a brand new Mondo track at the iconic JLN Stadium in...