SHILLONG: Meghalaya Governor Shri Phagu Chauhan, Meghalaya State Commission for Women Act, 2005-o uan on·gimin bilo pangchake, Smt. Iamonlang M Syiem-ko Commission-ni Chairperson-na seokaha. Indake Syiem-ni term ba somoi, uni kam ka·chakataoni bilsigittamna ong·gen.
Una on·gipa dormaha dake ka·sae on·ani, allowance-rang aro kamni bewalrang pilakan Meghalaya State Commission for Women (Salaries, Allowance and Conditions of Service of Chairperson, Vice Chairperson and Members) Rules, 2005-o pangchake ong·gen ine Meghalaya Sorkarini Social Welfare Department-ni Principal Secretary Sampath Kumar, IAS parakataha.
