Monday, July 15, 2024
spot_img

Durand Cup-ko sokachakna kam ka·soenggipa manderangko KSU-ni membor-rang doka

Date:

Share post:

spot_img
spot_img

SHILLONG: Ia bilsini Durand Cup (robol kal·susaani)-ko Shillong songjinmaoba sokachakna gita JN Stadium-ko tarisoenggipa manderangko Mongolbar salo, Khasi Students Union (KSU)-ni membor-rang, kragija dake dokaha aro ian gipin biaprangoni re·bae kam ka·e cha·enggipa manderangna kenjagokataniko on·angaha.

Ia manderangko KSU-ni membor-rang, labour licence-rangko check ka·na re·angenba, kragija dake dokaha.

July 27 tarikoni a·bachengatenggipa Durand Cup-na robol kal·susaaniko group stage-o mitam kal·susaanirangkode Shillong songjinmao ong·atna tik ka·ahachim aro uandaken iana dingtangmancha JN Stadium-ko tarisona gita ia manderangko kam ka·atengachim.

Indake ong·engon, ia stadium-ko tarisoenggipa manderangko kragija dake dokahani gimin Durand Cup-ko sokachakna kam ka·enggipa official-rang suk ong·gijaniko parakataha.

Ia a·selni bidingo official-rangoni saksa kobor ra·timgiparangna talate on·angengon, “Durand Cup-na track-rangko tarisona gita salgittam skang Shillong-ona re·bagipa paver operator-koba ia manderang dokaha. Ua somoio chief engineer, biapo dongjachim aro minute 20-mangni gisepon district magistrate-ni stadium-ona re·baengmiting somoio dolsagipa manderangba uko dokaha,” ine parakataha.
Meghalaya a·doko iandake gipin biaprangoni re·bae kam ka·enggipa manderangko kragija dakgenchimode a·dokni manderangkoba gipin biaprango apsan daken jakkalskanaba gnang ineba ua an·tangni kenchakenganiko parakataha.

“India a·songni mandekon ia biapo indake chadrapenga ong·ode mai miksonganiko uamang mesokenga? KSU-ni president-de Byrnihat-na bate songreanga dongkujama? Ma ua gipin biaprangoba apsan daken uko chadrapchina nangnikenga?” ine official ka·o nange sing·doangaha.

Kobor on·ani gitade, ia biapona bostu salbagipa garini driver-koba KSU-ni membor-rang dokaha aro kontagnimangna rim·e donani ja·mansa uko watpilaha.

West Garo Hills a·jao donggipa Dalu-ni mande saksakoba KSU-ni membor-rang, uni voter ID card aro Aadhar card-ko mesokani ja·manba uko Bangladesh a·songoni niam gri re·nabae kam ka·e cha·enga ine matnanganiko video-rangoniko nikna man·aha.

Indake ong·engon, da·o dipet ia a·selni bidingo darangonikoba police-rang FIR ka·aniko man·soa dongkujaengani gimin maming ja·kurangko de·kujaenga ine u·iatskaaha.

spot_img
spot_img

Related articles

US scientists decode 125-year-old element to boost cancer treatments

New Delhi, July 15: US researchers have decoded an element that could destroy cancerous cells, and advance treatment...

Filmmaker Nallamuthu advocates for an Indian wildlife channel

Jaipur, July 15: Renowned wildlife filmmaker Subbiah Nallamuthu, who recently won the 18th V Shantaram Lifetime Achievement Award,...

24X7 coordinated patrolling by Indo-Bangla border forces to curb crimes, infiltration

Agartala, July 15: India’s Border Security Force (BSF) and the Border Guard Bangladesh (BGB) will do coordinated patrolling...

Singapore and Thailand conclude joint naval exercise

Singapore, July 15: The Republic of Singapore Navy (RSN) and the Royal Thai Navy (RTN) concluded 'Exercise Singsiam'...