SHILLONG: Meghalaya-oni social media influencer aro content creators ba social media-o video tarigiparang a·dokni skanggipa OTT platform ‘Hello Meghalaya’-ko oprakatanio namgniko man·aha.
Meghalaya-oni saksa influencer Shillong Times-ni kobor ra·timgiparang baksa agangrikaha. Uni tarigipa audio-visual content mingsinganina sorkarioni mande ra·ako man·aha. Warimeki Lyngwa, Emerging Influencer of the Year award-ko man·aha.
Indake ‘Hello Meghalaya’-ko a·bachengataniara ia jolni manderangna janggi tangna gita cholko on·gen ine aganaha.
“A·dokni cultural, ong·telaigipa ba man·telagipa gam-jinni nitoarangko aro Meghalya-oni knakugijagipa golporangko ia platform-o mesokatna man·gen ian tourism-ko bariatgen. Jolni artist, entrepreneur aro gimiknan dakchakgipa ong·gen.”
YouTube channel ‘Chi Lung’-ko chalagipa Kynpham Chi Lung, 2,16,000 subscriber-rangko man·e Best Comedy Influencer Award-ko man·skaha.
‘Born Hyper Girl’-ni Grace Marbaniang, Best Travel Influencer award-ko man·aha. Ua bilsi 2019-oni Instagram-o video tarina a·bachengaha ine aganaha.
Hello Meghalaya, a·dokni manderangna namgipa platform ong·a, ine Grace aganaha.
Best Music Influencer award-ko man·gipa Wanjop Sohklet, Hello Meghalaya-ko oprakatanina kusi ong·ako parakaha.
