SHILLONG: Bharatiya Janata Party (BJP)-ni gita Meghalaya in-charge Anil K Antony-ko Bristibar salo, BJP Meghalaya unit-ni gita Shillong-ni BJP office-o tom·aniko ong·atangenba rimchaksotokaha.
BJP-ni national secretary aro national spokesperson Anil K Antony-ko da·o Meghalaya a·doko BJP-ni kamrangko nirokdilna gita in-charge dake seokaha aro uko Bristibar salo, BJP Meghalaya unit-ni membor-rang a·dokona rimchaksoaha.
A·songni gitcham defense minister AK Antony-ni depante Anil Antony, BJP-ni Meghalaya in-charge ong·e skanggipa changna Meghalaya a·dokona re·baaha aro Meghalaya a·doko BJP-ni membor-rangko nike an·tangni kusi ong·aniko parakangaha.
Meghalaya a·doko namroro silroroaniko ra·bana gita apsan kamrangko ka·rimnaba ua BJP Meghalaya unit-ni membor-rangko ku·mongangaha.
Photo: Bharatiya Janata Party (BJP)-ni gita Meghalaya in-charge Anil K Antony-ko BJP Meghalaya-ni state president Rikman G Momin a·dokona rimchaksoenga.