TURA: West Garo Hills a·jao Selsella-oni Balachanda-ona dakanggipa rama namroroangjaengahani gimin ia rama gita Bhutan a·songoni Bangladesh a·songona ro·ong salgipa garirangko watjachina Selsella aro Balachanda-ni FKJGP, ASWA, GSU aro GSMC dolrang, West Garo Hills a·jani Deputy Commissioner-ko didiataha.
NGO-rangni parakatani gitade, Selsella-oni Balachanda-ona dakanggipa rama nosto ong·roroangengahani gimin ia ramako taripile on·china changni chang sorkariko mol·molatahachim indiba da·alonan maming ja·kurangko de·chipkujaengachim.
“Ia rama namroroangjaengahani a·sel songni manderang aro ramako re·ruraenggiparang neng·nikanirangko chagrongna nangtokengahani gimin ia rama gita ro·ong salgipa garirangko watjachina chinga mol·molenga,” ine West Garo Hills-ni DC-na sedoatgipa chittio Selsella aro Balachanda-ni NGO-rang parakataha.
Agia-Medhipara-Phulbari-Tura (AMPT) ramani Konachar song sambao donggipa RCC dolong namangjaengahani gimin garirangko Selsella rama gita watskana District Administration-ni tik ka·gipani bidingo janapatskaengon, ia rama gita gipin garirangde re·rurana man·aigen indiba ia rama gita Bhutan a·songoni ro·ong salbaenggipa garirangkode re·rurana on·na gita nangja ine NGO-rang didiataha.
“Ia ramako nosto ong·roroangbatjachina aro jolo songdongenggipa manderangni re·ruraanio naljokaniko on·na gita miksonganiosa chinga ia rama gita ro·ong salgipa garirangni re·ruraaniko champengchina mol·molenga,” ineba Selsella aro Balachanda-ni NGO-rang parakataha.
Selsella rama gita ro·ong salgipa garirangko watjachina NGO-rang didia
Date:
Share post: