TURA: Meghalaya a·dokkode Aadhar-ni nanggnioniko watchanggalahaoba South Garo Hills a·jani badiaba badiaba department-rango, Aadhar donggijagipa manderangna dingtang dingtang sorkarini scheme-rangko on·jaenga ine Sukrobar salo, South Garo Hills a·jani social activist Greneth M Sangma, South Garo Hills a·jani Deputy Commissioner-na badi ka·doangaha.
Iani bidingo, South Garo Hills a·jani Deputy Commissioner-na badi ka·e sedoatengon, Job Card-rangko on·anio, skul bi·sarangna admission-ko on·anio, bank account-rangko kulianio aro uandakgipa dingtang dingtang kamrango Aadhar donggijagipa manderangna cholrangko on·jaenga ine Greneth parakataha.
“Supreme Court-ni ge·etanion Meghalaya, Assam aro Jammu & Kashmir a·dokrangkode Aadhar-ni nanggnirangoniko watahachim indiba South Garo Hills a·jao Aadhar donggijagipa manderangna iandakgipa namgnirangko on·jaenganiara Supreme Court-ni ge·etaniko manija gita ong·enga,” ine Greneth matnangataha.
Iani bidingo dingtang dingtang department-rangna Supreme Court-ni on·gimin niamrangko sualatchina gitaba Greneth, South Garo Hills a·jani Deputy Commissioner-ko didiataha.
“Meghalaya a·dokni manderangnade Aadhar-ara nangtelgipa lekkarang ong·jani gimin sorkarini scheme-rang aro dingtang dingtang kamrango Aadhar donggijagipa manderangna jechakna man·jawa,” ine Greneth parakataha.
