Thursday, May 22, 2025
spot_img

Pilak a·jarangon college-rang namdapahani gimin Shillong-o poraina re·bagiparang komiaha: Rakkam

Date:

Share post:

spot_imgspot_img

SHILLONG: Ia sal somoirango Meghalaya a·dokni pilak a·jarangon college-rang nambatahani gimin Shillong songjinmani college-rango poraina re·bagiparang komiengaha ine Robibar salo, a·dokni Education Minister Rakkam A Sangma a·kangataha.

“Skang somoirangode dingtang dingtang a·jarangoni chatro chatrirang, Shillong-o poraina re·batokrongachim indiba da·o bang·bata a·jarangon college-rang nambatahani gimin Shillong-ona re·bana gita nangtokjaengaha,” ine Sangma aganaha.

Shillong songjinmani mingnamgipa institute-ko chalaienggipa mande saksa baksa uni tom·e chanchirimani bidingo janapatengon, “Skangode college-rango sak 3500-mang ong·pile chatro chatrirang, admission-ko ra·rongachim indiba da·ode admission-ko ra·giparang sak 1500-mangan ong·jaengani a·sel ia institute-o skigiparangna dormaharangko on·anio neng·nikanirangko angna aganaha,” ine Education Minister parakataha.

Education Minister-ni talatani gitade, private college-rang bang·batan chatro chatrirangoniko gilenggipa fees-rangchisa skigiparangni dormaharangko on·engachim aro da·o ia college-rango admission ra·enggipa chatro chatrirang sak 100-mangni gita komiengani a·sel chu·onga gita fees-rangko man·tokjaengaha.

“A·jatangtangon da·ode namnamgipa college-rang dongahani gimin chatro chatrirang, Shillong-ona re·bae poraina nangjaengaha,” ine Sangma aganaha.

A·songni jakgitel ong·na skangonin Meghalaya a·doko mingnamgipa skul aro college-rang donga ine janapatskaengon, salgro salaram jolo Meghalaya a·dokba education hub ong·jaha ine agananirangko Education Minister talbatate on·aha.

“Ia sal somoirango, Nagaland, Mizoram aro salgro salaramni pilak a·dokrangon namroro silroroanirangko nikna man·engahani gimin ia a·dokrangba da·ode an·tangtangni namnamgipa university aro college-rang dongtokaha aro iani giminsa da·ode college-rango poraina gita Meghalaya a·dokona re·baenggiparang komibataha,” ine Sangma aganaha.

spot_imgspot_img

Related articles

BSF personnel posted on duty near the International Border with Pakistan, on the outskirts of Jammu on Wednesday

BSF personnel posted on duty near the International Border with Pakistan, on the outskirts of Jammu on Wednesday. (PTI)

Central officials to review NEHU situation today

By Our Reporter SHILLONG, May 21: Two senior officials from the Union Ministry of Education are scheduled to visit...

Evidence galore of extortion; cops unmoved for want of FIR

By Our Reporter SHILLONG, May 21: After Iewduh, pressure groups have now turned their attention to Ri-Bhoi where they...

HYC deports 200 migrant workers from govt project sites in NST

By Our Reporter Shillong, May 21: The Hynniewtrep Youth Council (HYC) on Wednesday pushed back around 200 migrant workers...