Thursday, May 22, 2025
spot_img

Manderangoniko tangka gila ine Agri official saksani kosako matnanganiara kakket ong·ja

Date:

Share post:

spot_imgspot_img

TURA: West Garo Hills a·jani Selsella C&RD Block ning·o, Agriculture Inspector ong·e kamko ka·enggipa mande saksa, PM-KISAN-ni ning·o game ge·e cha·giparangoniko verification-na tangka paisarangko gile ra·a ine badi ka·doangani ja·man, ia official-ni kosako am·sandianirangko dakon, ia official-ni kosako matnanganiranga kakket ong·ja ine ma·sina man·aha ine West Garo Hills a·jani District Agriculture Officer K Sutnga parakataha.

Mominur Islam minggipa Agriculture Inspector (AI), PM-KISAN-ni ning·o game ge·e cha·giparangoniko verification-na tangka paisarangko gile ra·aha ine adita salrangna skangsan Selsella C&RD Block-ni ning·o game ge·e cha·enggipa mitam manderang, West Garo Hills a·jani District Agriculture Officer-na badi ka·doangahachim.

Indake ong·engon, game ge·e cha·enggipa manderangni badi ka·aniko man·soani ja·man matnanga man·gipa Agriculture Inspector-ko aro uni kosako badi ka·doanggipa manderangkoba District Agriculture Officer-ni office-ona okamatenba, sing·sandianirangko dakangaha aro iani bidingo sing·sandianirangko dakon, game ge·e cha·giparangoni darangba PM-KISAN scheme-ni verification-na tangka paisarangko gama dongjachim ine ma·sina man·aha.

“Uni gimin ia agriculture inspector-ni kosako matnanganiara pangchakani gri aro kakket ong·ja ine ma·sina man·aha. Saobasa an·tangni man·gnina songni manderangko ia officer-ni kosako matnange segipa chittio soi ka·ataha aro songni manderang mamingkoba ma·sichenggija soi ka·aha,” ine West Garo Hills a·jani District Agriculture Officer talataniko on·ataha.

Ia Agriculture Inspector-ni kosako matnange soi ka·gipa manderang an·tangtangba, ia official-ni kosako matnange segipa chittiko ra·pilna dorgastoko District Agriculture Officer-na see on·aha.

“Badi ka·ako man·gipa Agriculture Inspector, chingoniko tangka dabia dongjachim indiba saobasa chinga uni segipa chittio soi ka·genchimode Farmer’s ID card-ko man·gen ine chingko uni chittio soi ka·ataha,” ine Agriculture Inspector-ni kosako badi ka·doanggipa songni manderang parakataha.

spot_imgspot_img

Related articles

Grateful for India’s commitment, support to Pandemic Accord: WHO chief

New Delhi, May 22: Dr Tedros Adhanom Ghebreyesus, the Director-General of the World Health Organization (WHO) has thanked...

PM Modi offers prayers at Rajasthan’s Karni Mata Temple

Bikaner, May 22: Prime Minister Narendra Modi on Thursday paid a visit to the famous Karni Mata Temple...

BSF personnel posted on duty near the International Border with Pakistan, on the outskirts of Jammu on Wednesday

BSF personnel posted on duty near the International Border with Pakistan, on the outskirts of Jammu on Wednesday. (PTI)

Central officials to review NEHU situation today

By Our Reporter SHILLONG, May 21: Two senior officials from the Union Ministry of Education are scheduled to visit...