SHILLONG: TMC parliamentary party dilgipa, Mukul Sangma, State Assembly-ni ja·rikbaenggipa niamrangko rakkina nanga, jedakode manderang system-o ka·dongna man·gen ine aganaha.
“House-o skang somoirangoni namgipa bewalrangko ja·rikbaenga, anga an·tangde maming jajaaniko dongnikja chu·gimik daito Speaker-ni pakreo ong·a,” ine Mukul, aganaha.
“Dolgni Treasury bench aro Opposition donganiara mai gamchatani? Ian namgipa sorkariko rikanio democractic system-ko bikotna aro a·dokni namgnina ong·a.”
“Songsul a·songrang Bangladesh, Sri Lanka-o maidakgipa obostarang ong·a iako gimikan nika, iandakgipa obostarang salsa ba walsani gisepo ong·a ine ong·ja, manderang system-o ka·dongani dongna nanga ine Mukul aganaha.
Koborni gita TMC-an Opposition dilgipani post-ko man·naba donga. TMC-ni dilgipa Mukul Sangma aro TMC state president Charles Pyngrope – uamang LoP-na kragipa candidate-rang ong·a.
Normal term-o Leader of Opposition-ni post-ko man·a opposition party House-o bilakna 1-10 nanga, (Meghalaya-ni mamlao 6).
Batanggimin bilsio, Congress aro TMC sak 5 prak MLA-rang aro VPP dolo sak 4 donga. Minggipin term-o, House-o jean mongsonggipa a·gipi membor ong·gipana pangnan post-ko on·a ga·aka uan Mul Sangma-na ong·enga.
