USTM convocation-o Lou Majaw-ko D. Litt.-na mande ra·gen

SHILLONG: August 27 tariko University of Science and Technology Meghalaya (USTM)-ni 10-gipa convocation-ko ong·atani somoio salgro salaram a·dokrango pop-rock singerna niksengako man·gipa, Meghalaya a·dokni Lou Majaw-ko aro gipin a·dokoni niksenggipa singer Zuben Garg-ko Literature-ni Doctorate degree baksa mande ra·aniko dakgen.
Convocation tom·aniko  Meghalaya a·dokni Governor CH Nijayshankar-chi Vice Chancellor-rangni, academic-ni manderang, mongsonggipa dilgiparang aro sak hajal chatro chatrirangni dongpaanio degree-rangko chu·sok-giparangna on·anggen, ine univeristy-ni gita paraka-taha.  Sakgni music-o niksenggipa manderangna D. Litt.-ko Governor Vijayashankar on·gen.
India-ni Bob Dylan-na mingsingako man·gipa Lou Majaw golpo aganrakgipa, social commentator aro cultural-na niksenggipa jeni ku·rang bilaksranggipa ong·a aro ka·saanina, gimaanina chasongni cha-songna aganbaenggipa golporang baksa katta ma·rape aganna changgipa aro Khasi-rangni daka rika bewalo janggi tangani gimin agangipa ong·a.
Minggipin, namen changgipa sapgipa artist Zuben Garg saksa singer ong·a, music director, composer, lyricst, music producer, actor, film direct, film producer, golpo serakgipa aro philanthrophist ong·a. Ua mongsongbate Assamese, Bengali aro Bollywood music aro jawilwatrangna an·tangni gamchatgipa changa sapaniko on·gilangaha.
USTM-ni Central Auditorium-o pring 11 bajioni convocation tom·aniko a·bachengatgen. Chu·gimik sak 1,639 chatro chatrirangna degree award-rangko on·anggen, PhD degree award-rangko sak 17 scholar-rangna on·anggen, sak 906 chatro chatrirangna postgraduate degree-rangko on·anggen aro sak 716 chatro chatrirangna undergraduate degree-ko convocation-ni somoio sualanggen.