Thursday, June 12, 2025
spot_img

BCCI-ni general manager, Tura-ni Alotgre Cricket Stadium-ko nianga

Date:

Share post:

spot_imgspot_img

Garo Hills-ni ramarang namdapahaode cricket kal·susaanirangko Tura-oba sokachakna man·gen: Kuruvilla

TURA: Budbar salo, India-ni gitcham cricketer aro Board of Control for Cricket in India (BCCI)-ni general manager Abey Kuruvilla, Tura-ona re·baenba, dingtang dingtang cricket kal·susaanirangko sokachakna man·genma man·jawa, uani bidingo Tura-ni Alotgre Cricket Stadium-ko niangaha.
Kuruvilla-ni Tura-ona re·bae, ia stadium-ko nianganio, Meghalaya Cricket Association (MCA)-ni president Naba Bhattacharya, gipin dilgiparang aro Tura District Cricket Association (TDCA)-ni dilgiparangba dongpaaha.
Tura-ona re·baanio BCCI-ni general secretary-ko mande ra·pilskana gita dingtangmancha TDCA aro MCA-ni gita program-koba ong·atangjolaha aro ia program-o ua jinmana aganprakengon, salgro salaram jolrangara, India a·songo nitobatsranggipa biaprangoni damsa ong·a ine mittele aganangaha.
“Na·simang ia biapo ong·e namen rasong gnanggiparang ong·a. Manderang ia biapko chel·niktoka indiba anga an·tangde Dimapur (Nagaland), Shillong aro da·o Tura-ona re·bae nikenba, ia biapko namen an·sengnikbeaha,” ine Kuruvilla aganaha.
Tura jillara a·songni mongsonggipa songjinmarangoni chel·grikani gimin dingtang dingtang gadango cricket kal·susaanirangko ia biapo ong·atanio neng·nikanirangko chagrongnaba gnang ine janapatengon, Garo Hills-ni ramarangko nambatatna man·genchimode, ia biapoba dingtang dingtang gadangni cricket kal·susaanirangko ong·atna man·aigen ine BCCI-ni general manager parakataha.
“Garo Hills-oniba cricket kal·giparang dingtang dingtang gadango gipin biaprangona re·ange kal·na cholrangko man·engaha aro ia biaprangoba cricket-ko namniktoka. Na·simangba ia biapo cricket kal·anirangko ong·atna nangniktokenga aro chingaba iako chu·sokatna jotton ka·enga. Indiba da·o dipet chinga mamingkoba ku·rachake aganna man·kujawa. Haida ramarang namkalahaode ian chu·sokgipa ong·ani cholrang donga,” ine Kuruvilla aganaha.
BCCI-ni general manager, Tura-ona re·baanio, cricket kal·giparangko sokachakna dongimin biaprangkoba niangjolaha.

spot_imgspot_img

Related articles

GH teachers to go on two-day mass leave over unpaid salaries

TURA, June 11: Members of the Garo Hills Deficit School Teachers’ and Employees’ Association (GHDSTEA) have decided to...

Shillong sizzles as mercury soars above normal

GUWAHATI, June 11: Several cities and towns of the Northeast, including Shillong, are bearing the brunt of extreme...

Ri-Bhoi hunt for truck involved in accident case

SHILLONG, June 11: Ri-Bhoi Police is searching for a truck hit by an Assam-registered Hyundai Alcazar near Nongpoh,...

Raja’s family apologises for ‘tarnishing’ state’s image

SHILLONG, June 11: The family of Raja Raghuvanshi on Wednesday apologised to the Meghalaya government as the Indore-based...