Gipin Bill-rang baksa Migrant Workers Amendment Bill-ko House-o ra·chaka

SHILLONG: Meghalaya Identification, Registration (Safety & Security) of Migrant Workers (Amendment) Bill, 2024-ni gita adita bill-rangko Sukrobar sal Assembly tom·ao ra·chakaha.
Gipin bill-rangara, Meghalaya State Housing Board Repealing Bill, 2024, the Meghalaya Goods and Services (Amendment) Bill, 2024, the Meghalaya Farmers (Empowerment) Commission (Amendment) Bill, 2024, the Meghalaya Community and Public Services Social Audit (Amendment) Bill, 2024, aro Captain Williamson State University (Amendment) Bill, 2024-rang ong·a..
Migrant worker-rangni bidingo tarigipa amendment bill-ni miksonganirang aro katta donggiparangko parakatani gitade, Act-ni provision-ko nambatgipa gadango chu·sokatna aro bilakdape ra·gatna ong·a.
Clause(k)-ni ja·mangitalgipa cluase (1)-ko donangani ja·man section 2-ni amendment-ko agana jeon Meghalaya Identification, Registration (Safety & Security) of Migrant Workers Act, 2020 (Principal Act). ‘Inspector’-ni miksonganide, ia Act-ni provision-ko mikkangchina ra·angna sorkarini gita rakkigipa ong·a.
Iano indakeba agana, Principal Act-ni section 3-ni ja·man gitalgipa section 3-ko jarikangna donaha: “3A. (1) The Registering Officer-rang, uamangni on·gimin a·jatangni gisepgriko, Act-ni ning·o jedakgipa champenganirangna penalty-rangko jakkalangna dakna nanggipa dai ong·anggen. Uamangni control-ni ningo je Subordinate officer-rangko The Registering Officer-rang rakkiangna man·aba donga, jeon Act-na kam ka·anganio dakchakgipa ong·gen.
Principal Act-ni section 4-o, sub-section (2)-ni ja·man, provision-ko on·dapanggen,kragipa authority-ni gita u·iatani lekkarangko on·aha jekai, indakgipa notice-ko man·soani tarikoni sal 7-ni ja·man aro kam ka·enggipa ba nokgipa niam pe·gipana je a·jani ning·o ga·akgipa Registering Officer ba je gipin subordinate officer kamrangko ka·anggen, On·atgipa lekkarangna aganchakna man·jaode uni kosako komigija tangka 5,000-ko dai gamna nanggen aro tangka laksa-ona baridapatnaba donga.
Register ka·ao lekkarangko chu·onga gita on·a man·gijagiparangna ja-3-na ramram dakgipa sastiko on·angna til ka·aha.
Meghalaya State Housing Board Act of 1086 (Meghalaya Act), a·doko nokrang rikako namdapatna State Housing Board-ko a·bachengatna on·a ge·etaha, Meghalaya State Housing Board Repealing Bill-ni miksongani aro kattarangko aganaha.
Act-ko chasong gittamna bate chalaiangaha aro iarang donggenchimba tangka paisa chamani aro resource-rang chu·ongjani a·sel miksonganirangko chu·sokatna man·jaha, Meghalaya-ni manderangna nangbatrikrikenggipa nokrangni gimin talate on·a man·jaha, board-ko chalaiangani aro kam ka·anirang ba nirokanirang chu·ongja, nikjoke kam ka·anirang dongja aro gipin sorkari agency-rang baksa kam ka·anirang dongja.
2014 bilsini December 4 tariko tom·anio, advisory-ni bidingo aro board-ko ra·angna Chief Minister chanchiaha. 2017 bilsioni PAC-ni ge·etani donggenchimoba kam ka·gijagipa board-ko donangkuna Accountant General jechakangaha.
Meghalaya State Housing Board-ni namatna man·gijanina proposal baksa skango Cabinet namnikaha aro Meghalaya State Housing Board Act 1986-ko ra·galna namnikaha. Act-ko ra·galanga ian niamo pangchake ra·chakgipa ong·a.