Tura: Garo Baptist Convention (ABDK)-ni ning·o donggipa Garo Baptist Association No. IV (Krima IV)-ni lekka-pora skia on·ani project Tura Christian College, uamangni 7-gipa Foundation Day-ko rasong chabee maniangaha. Uamangni bilsi gapaniko maniao a·bachengaoni bilsi sni bilsirango chu·sokanirangko, nambatgipa ong·angna ku·rachakanirang aro dal·rorobae dingtanganiko gisik ra·e manijolangaha. Lekka-pora skie on·ani a·bao nambatrorogipa gadangko ong·atna uamangni misison-na ian Tura Christian College-ni on·kangani namgipa kamko nikaha.
Programme-ko Tura Christian College, GB President Dr Tony Trabert C. Marak chalaiaha. Tura Christian College-ni Principal Dr Earlitha M. Sangma academic report-ko rongtalbee on·angaha.
Education department-ni adviser H.M. Shangpliang Guest of honour ong·e uni agananirango poraigipa chatro-chatrirangna aro Meghalaya-o lekka-porako skie on·ani a·bao bang·a college-rangni namgnini gimin aganaha.
Power, C&RD aro Taxation-ni minister A.T. Mondal chief guest ong·e uni aganao lekka-porako skie on·ani mangrakgipa pangchakgipa ong·ani gamchatani gimin aganaha.
