Tura: Garo Hills-ni bang·a jolrangon Jal Jeevan Mission (JJM) scheme-o kam ka·anirang tik ong·ja matnanganiko man·engon changsatai, Tura-oni saksa Tarseng Sangma PHE-ni Commissioner and Secretary (CS)-na chittiko seate komibeoba ming 5 project-rang jekon kam matchotaha ine mesokahachim, da·onan chiko man·kujaenga ine u·iataha.
Soropagre, Duriapara-o scheme-ni kamko matchotaha ine mesokaha. Sosotpara, Rangdapara aro Chellipara- Dalu C&RD Block West Garo Hills-o JJM-ni kamko ka·kuenga ine mesokaha.
Ia songrangsan ong·aija gipin songrangoba JJM scheme-ni gita chiko man·jaenga ine Tarseng, uni seatgipa chittiko aganataha.
“Daitoko ra·gipa a·songni songdongkamgipa saksa ong·pae anga dingtang dingtang song aro jolrangoniko mongsongbate Dalu joloniko bang·en badi ka·anirangko man·soaha, uni gimin anga iarangni gimin sing·anirangko done badi ka·atenga ine chittiko seatgipa janapataha.
Badi ka·atani gita, Tarseng, kosako janapgipa songrangoni badi ka·aniko man·e an·tangan niroke niaha aro chi man·gijako niken jagokpilaha.
“Song damsaomangba scheme-ko 100% ra·gata dongja. JMM-ni kamrangko 100% matchota ba chu·soka ine mesokgenchimoba nokdang ge·samangba ku·rachaka gita chiko man·ja. Indiba bilsi 2022 November 19 tariko supervisory officer, kam matchotani certificate-ko on·ahachim ine Tarseng agankuaha.
Kam matchotanio certificate on·gipa noklisa ine badi ka·gipa CS-na ia mamlako u·iatna chittiko seataha aro am·sandianiko dakchina mol·molataha.
Tura-oni saksa JJM-ni kam tik ong·gijani bidingo PHE-ni CS-na lekka seata
Date:
Share post:
