Tuesday, February 11, 2025
spot_img

GHADC-o kam ka·giparangna ja 34-ni dormahako on·kujaengani gimin NPP-ko BJP, MPYC matnanga

Date:

Share post:

spot_img
spot_img

SHILLONG/TURA: Garo Hills Autonomous District Council (GHADC)-o kam ka·enggiparangna ja 34-ni dormaharangko on·kujaengani gimin GHADC-o NPP-chi dilenggipa Executive Committee-ko a·dokni BJP aro MPYC dolrang matnangataha.

Tura-ni MDC aro BJP-ni state vice president Bernard N Marak-ni parakatani gitade, GHADC-o kam ka·giparangna 5th Pay Commission-ni recommendation-o pangchake dormaharangko on·na gita 2018 bilsion Executive Committee, ge·etaniko on·manahachim indiba da·alona kingking 4th Pay Commission-ni dormahakosa on·e ia dormharangko da·onan matchote on·kujaengachim.

GHADC-o kam ka·giparangna tol·e ku·rachakanirangko on·aha ineba Marak, NPP-chi dilenggipa Executive Committee-ni kosako matnangataha.

“2018 bilsionin dormaharangko 5th Pay Commission-ni ning·o tariahaoba da·alona kingkingan kam ka·giparang 4th Pay Commission-ni dormahakosa man·engkua aro ian namen ra·chakna man·gijani ong·a,” ine Marak parakataha.

GHADC-o kam ka·giparangna uamangni man·na nangkuenggipa dormaharangko on·china changni chang sedoatahaoba, a·dokni Chief Minister Conrad Sangma, iani bidingo ku·rang on·jaenga ineba Tura-ni MDC parakataha.

Marak-ni parakatani gitade, Autonomous District Council (ADC)-rangko mangrakbatatna gita ANVC dolrangni sorkari baksa songgigrikani bidingo Monitoring Committee-ni tom·anikoba ong·atna gita Chief Minister jechakahachim.

Party-tangni manderangna aro nokdangni manderangna chanchiaigipa party-san ong·aia ine NPP-ko matnangatskaengon, BJP-de namroro silroroanina kamko ka·gipa dolsa ong·e, sorkario rikanio apsan bakrimenggipa dol ong·genchimoba tangka jakkalsretanikode nie dongna man·jawa ine BJP-ni state vice president parakataha.

ADC-rangna chamatgipa tangka paisarangko Sangma-ni nokdang baksa nangrimgipa manderangan jakkalsretahani a·selsa district council-rangko chalaianio bang·en grorang dongengaha ineba Marak matnangataha.

Apsan daken, GHADC-o kam ka·enggiparangna ja 34-ni dormaharangko on·chipkujaengani gimin Meghalaya Pradesh Congress Committee (MPYC)-ba, NPP-chi chalaienggipa Executive Committee-ko matnangataha.

An·tangtangni dabiani gita ja 34-ni dormaharangko on·kujaengani gimin aro dormaharangko 5th Pay Commission-ni recommendation-o pangchake on·kujaengani gimin GHADC-o kam ka·enggiparang, Non-Gazetted Enployees Association (NGEA)-ni ning·o kamrangko ka·gija antigni batpile jingjengatskaengahachim ine nikna man·a.

“Ian Garo Hills-o songdongenggipa manderangna jajrengna nangani ong·enga. GHADC-o tangka paisani gita neng·nikanirang batroroengaha aro ia neng·nikanirangko Executive Committee namatna changjaengaha. GHADC-o tangka paisani gita neng·nikanirangko namatnade, dilgiparangni gisepo tangka paisa jakkalaniko jinmana parak ong·na nanggen aro skatang koros ka·aniko dontongna nanggen,” ine MPYC-ni dilgiparang parakataha.

GHADC-o ong·enggipa obostarangko namatchina aro kam ka·giparangna ta·raken dormaharangko on·china gitaba MPYC, a·dokni Chief Minister Conrad K Sangma-ko didiataha.

spot_img
spot_img

Related articles

India-Israel talks on bolstering economic times slated for tomorrow

New Delhi, Feb 10: The India-Israel Business Forum and the India-Israel CEO Forum meetings will be held here...

Trump says Gaza residents won’t have right to return

Washington, Feb 10: US President Donald Trump has said Palestinians will not have a right to return to...

India, France look beyond defence to deepen bilateral economic ties

New Delhi, Feb 10: After forging close partnership in the defence domain, India and France are now looking...

Manipur arms dealer held in Tripura

Agartala, Feb 10: A 25-year-old man, hailing from Manipur, was arrested by Customs in Tripura’s bordering district Khowai...