Mikkang nie Agatha-ko SCPCR chairperson songa inako Paul jegala

SHILLONG: Tura-ni gitcham MP Agatha Sangmako mikkang niteenba State Commission for Protection of Child Rights (SCPCR)-ni Chairperson-na seokaha ine matnanganiko Social Welfare Minister, Paul Lyngdoh jegalaha aroba pilak dakna nanggipa kamrangko ja·rikesa uko seokaha ine aganaha.
A·dok Sorkari, re·anggipa Sukrobaro rang·gitik Cabinet tom·aniko ong·atenba Agatha Sangma-ko State Commission for Protection of Child Rights (SCPCR)-ni gital Chairperson songaha. Iani bidingo talate aganengon, Sangmani kam ka·e u·igimin aroba iako dilanio uo chu·onga u·ianirang donganio pangchake uko seokaha ine Lyngdoh aganaha.
“Chinga A, B, ba C-ko seokoba chingni kosako matnanganide pangnan sokbaia, indiba mongsonggipa a·selara ian, jekon anga skangon aganman·jok, jekon chinga sandienba Child Rights Commission-ni de·e mesokaha” ine Minister aganaha.
Minister indakeba aganaha je, je mandekon chinga grongachim, ua ia kamko jako ra·na jechakaha, jenan chinga sakgipin kragipa candidate-ko am·na nangao ga·akaha.
Ua Parliament-o ru·uta somoirangna ong·e uni skia man·giminko nike, aro uni lekka-bida donganiko aroba uni ru·uta bilsirangna manderangna dangdike on·anio dake nikgimin ong·aniko gimin, ia pilakrangko niatenba Agatha Sangmako SCPCR-ni Chairperson-na seokaha ine Lyngdoh a·kange aganaha.
Chief Minister-ni dongchakramo cabinet tom·aniko ong·ate Agatha-ni bimingko seokaha, tom·aniona maina media-kode okamja ine sing·anina talatengon, Cabinet tom·aniko Sukrobar pring 10 bajio rang·gitik ong·ataha, bebegita media-ko okamoba na·simangoni bang·batan sambajolo ong·jawachim,” Minister aganaha.
SCPCR-ni chairperson-ko seokana agreba Social Welfare aro Textiles department gita dakgipa gipin gipin nanganirangni bidingoba Cabinet-o chanchiaha.