SHILLONG: Meghalaya a·dokni Deputy Chief Minister Prestone Tynsong da·o obostarang namkalengaha aro uko ward-ona apjitataha ine kobor on·aha.
Bilongbate saaniko man·ahani gimin Tynsong-ko re·anggipa September 11 tariko, New Delhi-ni Indraprastha Apollo Hospital-ona ra·angahachim aro September-ni 12 tariko, hospital-ni doctor-rang, uko surgery dakanio chu·sokgipa ong·ahachim.
Uko surgery dakanio chu·sokgipa ong·e da·o ua ka·sinsin nambapilengaha ine kobor on·timgiparang u·iataha.
Indake ong·engon, a·dokni Deputy Chief Minister-ko chu·gimik an·sengpilatna gita Apollo Hospital-ni doctor aro nurse-rang, una chu·gimik nirok sandianirangko on·enga ineba kobor on·timgiparang u·iataha.
