Tura: Assam Dhupdhara sepang Kothakuthi songo Sukrobar atam 4 bajimango public bus gari aro scooty chatingrike a·sel on g·ao Tura-ni saksa mande jolan siaha.
Kobor man·soani gita, bilsi 38 ong·gipa Ajay Modak, jean Sepoy Colony-oni ong·achim, ua Tura-ona scooty-o songre-baengachim, unomitingo mikkangchini re·bagipa bus gari chagakaha. A·sel ong·gipa bus, Goalpara-oni Guwahati-ona re·angska-engachim. A·sel ong·a jolan Ajay Modak sijaha.
A·sel ong·gipa gariko ra·sekaha.
