TURA: Budbar salo gnigipa changna Anusandhan-ko North Eastern Hill University (NEHU) Tura Campus-ni Conference Hall-o ong·atangaha aro ia program-ko NEHU-ni Vice Chancellor PS Shukla a·bachengate on·angaha.
Ia Anushandhan program-ko NEHU Research & Developmental (R&D) Cell ong·ataha aro ia program-o NEHU Tura Campus-ni Director Sujata Gurudev, NEHU Shillong-ni ning·o donggipa Zoology Department-ni Professor Timir Tripathi, R&D Cell-ni Director Prof SR Joshi, NEHU Tura Campus-ni Organising Secretary Dr Madhukar Gampala, sakgipin Organising Secretary Dr Sunildro LS Akoijam, dingtang dingtang department-ni skigiparang aro chatro chatrirangba dongpae bak ra·angtokaha.
Ia program-ko a·bachengate on·anganio NEHU-ni Vice Chancellor PS Shukla, jinmana aganprakengon, degree man·ani miksonganiara dingtang dingtang gadangrango an·tangtangni kam ka·na changaniko mesokna man·anian ong·a aro gital National Education Policy (NEP) 2020-o songsalna on·gilna nangani gimin janapani gnang ine parakangaha.
Ia tom·anio ua Anusandhan-ni miksonganirangkoba jinmana agan-talate on·angaha.
Ia program-ko ong·atanio NEHU Tura Campus-ni Campus Director Sujata Gurudev-ba jinmana aganprakangengon, Research aro Development-ni mongsonggipa ong·ani bidingo agan-talatanirangko on·angaha.
