Sunday, July 6, 2025
spot_img

HNLC-ni bame on·gipa mande saksako police-rang rim·a

Date:

Share post:

spot_imgspot_img

SHILLONG: Adita bilsirangna skang an·tangko bame on·gipa Hynniewtrep National Liberation Council (HNLC) bobil dolni mande saksako Bristibar walo police-rang rim·aha.

Police-rangni u·iatani gitade, bilsi 41 ong·gipa Sromwell Mawdoh-ko, HNLC bobil dolni tangka dabiatgipa manderangoniko tangka giltime on·ahani gimin Bristibar walo, Rynjah police station-ni ning·o donggipa Umpling Dongsharum-oniko rim·aha.

“Bame on·gipa HNLC-ni Sromwell Mawdoh, tangka dabiani chittirangko man·sogipa manderangoniko tangka gile HNLC bobil dolna on·skaengani gimin Ri Bhoi a·jani police-rang rim·aha,” ine Sukrobar salo police officer saksa kobor ra·timgiparangna parakataha.

Ia mande, adita bilsirangna skangsan, KSU-ni gitcham dilgipa Frederick Kharmawphlang baksa East Khasi Hills a·jani police-rangna bame on·ahachim.

Adita salrangna skangsan Shillong-o bading chiwalgipa manderangna tangka dabiani chittirangko on·enga ine badi ka·anirangko man·soahani gimin police-rang, HNLC bobil dolni kosako mokordoma ka·enba, am·sandianirangko dakengahachim.

Police officer saksani parakatani gitade, bading chiwalgiparangoniko tangka paisarangko dabienga ine badi ka·anirangko man·soani ja·man SP-ni gadango inquiry-ko dakenba, HNLC bobil dolni kosako Sadar police station-o mokordoma ka·aha.

“Inquiry-ko dakon, manderang HNLC bobil dolni tangka dabie seatgipa chittirangko man·soaha ine ma·sina man·ahani gimin bobil dolni kosako mokordomako ka·e, sandirokna a·bachengataha,” ine police officer aganaha.

Ia police official-ni aganani gitade, tangka dabiani chittirangko man·sogipa mitam manderangde police-rangna badi ka·doangaha aro mitamrangba da·o seachi badi ka·anirangko dakna sikgiparang dongkuenga.

“HNLC bobil dolni manderang, Police Bazar jolrango bading chiwalenggipa manderangoniko lak 15 dabienga ine September-ni 16 tariko mande saksa badi ka·doangaha aro ia manderangko an·tangtangni mobile phone-rangko switch off ka·jachina ba phone nombor-rangko dingtangatjachina gitaba ka·mikkenatenga,” ine police officer aganaha.

Iandake tangka dabiani chittirangko man·sogenchimode police-rangna u·iatchina manderangko didiatengon, je manderangan bobil dolni dabiani gita tangkarangko on·engachim, uandakgipa manderangba niamo pangchake sastirangko man·ani ong·a ine police officer, mikrakataniko on·angaha.

spot_imgspot_img

Related articles

BJP’s booth strengthening drive in Chennai today to energise grassroots cadre

Chennai, July 6 : The Tamil Nadu unit of the Bharatiya Janata Party (BJP) is conducting a major...

Nearly 48,000 devotees perform Amarnath Yatra in three days

Srinagar, July 6 : Nearly 48,000 devotees performed the ongoing Amarnath Yatra during the last three days amid...

CM Stalin to launch first camp of ‘Ungaludan Stalin’ on July 15 for doorstep delivery of govt services

Chennai, July 6: Tamil Nadu Chief Minister M.K. Stalin is set to launch the first camp of the...

‘Symbol of love, compassion, patience and moral discipline,’ PM Modi greets Dalai Lama on his birthday

Dharamsala, July 6:Prime Minister Narendra Modi on Sunday led the nation in extending greetings to Tibetan spiritual leader...