AMPATI: Mongolbar salo, Swachhta Hi Seva campaign-ni bak gita South West Garo Hills a·jani District Administration, SBM (G) baksa nangrime, Deputy Commissioner (DC) office-o Sales Day-ko ong·atangaha aro a·jani dingtang dingtang biaprango jinma rongtalatanirangkoba dakangaha.
Ia Swachhta Hi Seva campaign-ko ong·atanio dingtangmancha Meghalaya Grassroots Music Program (MGMP)-ni ning·o git ring·anirangkoba ong·ate manderangko an·saoatangaha.
South West Garo Hills a·jani DC office-ko rongtalatanio, District Administration-o bak ong·enggipa dingtang dingtang office-ni manderang, bak ra·e rongtal an·talatanirangko dakangaha.
South West Garo Hills a·jako rongtale aro tangsekgilgil dake rakkina ia Swchhta Hi Seva campaign-ni bak gita a·jani pilak biaprangon aro block-rangoba jinma rongtal an·talatanirangko dakangtokaha.
Ia campaign-ni bak gita South West Garo Hills a·jani block dambrion chadamberangna essay sesusaanirangkoba ong·atangaha.
