CHOKPOT: Ru·uta bilsirangonin South Garo Hills a·jao donggipa Chokpot ramako taridape on·a dongkujaengani a·sel ia rama gita re·ruraenggipa manderang neng·nikanirangko chagrongna nangtokenga.
Niatgenchimode Tura-oni Baghmara-ona Karonggre (Dalu) gita km 122 rama donga aro Tura-oni Baghmara-ona Chokpot gitade km 100-mangni gitasan ong·aiachim. Sepangbatgenchimoba Chokpot gita ramarang namjabatani a·sel ian songre songgabatenggipa manderang, ia rama gitan ru·utbate somoiko nangronga aro uasan ong·aigija ian mandena aro gari gorarangnaba namen neng·nikani ong·enga.
Manderang Nongalbibra aro Baghmara-oni a·bachenge Chokpot gita Tura-ona re·bagenchimode ramarang namsrangjani a·selan komibeoba konta 7 ba konta 8-mang nangronga ine kobor on·timgiparang u·iataha.
Chokpot rama namsrangjahani gimin an·tangni suk ong·gijaniko parakatengon, “Indita bilsirangna ia ramako sorkari galchipe donenga aro ian ia jolrango songdongenggipa manderangnade namen dukni katta ong·a. Basako sorkari ia ramako tarie on·na am·enga chinga ma·sichipkujaenga,” ine GSU Chokpot unit-ni president Jish A Sangma parakataha.
NGO-rangsan ong·aigija Chokpot rama namsrangjahani gimin Chokpot-o kam ka·enggipa dingtang dingtang manderangba suk ong·gijaniko parakattokaha.
“Ia ramarang namsrangjahani giminan chinga South Garo Hills a·jani headquarter Baghmara-ona re·angna nanggenchimode Chokpot-ona re·bapilna sikrongja. Chokpot-oni Baghmara-ona km 48-mangni gitasan chel·grikaiachim indiba chinga ia ramako songreanio komibeoba kontagnimangkode nangaia,” ine Chokpot sub-division-o kam ka·enggipa police officer saksa aganaha.
Kobor on·timgiparangni aganani gitade, Baromile-oni a·bachenge Chokpot gita Sibbari-ona km 45-mangni gitasan rama dongaiachim indiba ia ramako tarichipkujaengani a·selan songre songgabatenggipa manderang baditaba kontarangko nangskaenga.
Indake ong·engon, Baromile-oni Deku Bazar-ona aro Sibbari-oni km 10 ong·gipa ramarangko da·o tarina a·bachengengaha indiba Silkigre-oni Chokpot-ona dakanggipa ramade obosta namjabatengaha ineba kobor on·timgiparang parakataha.
“Baromile-oni Sibbari-ona Chokpot gita ramarang km 50-mangsan ong·aiachim aro a·dokna ma·mong sorkari aro World Bank-ona indita tangka paisarangko chamatenga ong·ode maini gimin ia ramako tarie on·na man·jaenga? Chinga indita bilsirangna ia rama namjani gimin changni chang sorkarina badi ka·doahachim indiba da·alonan maming dingtanganiko nikna man·kujaenga,” ine Silkigre songni mande saksa suk ong·gijaniko parakataha.
Niatgenchimode Tura-oni Baghmara-ona Karonggre (Dalu) gita km 122 rama donga aro Tura-oni Baghmara-ona Chokpot gitade km 100-mangni gitasan ong·aiachim. Sepangbatgenchimoba Chokpot gita ramarang namjabatani a·sel ian songre songgabatenggipa manderang, ia rama gitan ru·utbate somoiko nangronga aro uasan ong·aigija ian mandena aro gari gorarangnaba namen neng·nikani ong·enga.
Manderang Nongalbibra aro Baghmara-oni a·bachenge Chokpot gita Tura-ona re·bagenchimode ramarang namsrangjani a·selan komibeoba konta 7 ba konta 8-mang nangronga ine kobor on·timgiparang u·iataha.
Chokpot rama namsrangjahani gimin an·tangni suk ong·gijaniko parakatengon, “Indita bilsirangna ia ramako sorkari galchipe donenga aro ian ia jolrango songdongenggipa manderangnade namen dukni katta ong·a. Basako sorkari ia ramako tarie on·na am·enga chinga ma·sichipkujaenga,” ine GSU Chokpot unit-ni president Jish A Sangma parakataha.
NGO-rangsan ong·aigija Chokpot rama namsrangjahani gimin Chokpot-o kam ka·enggipa dingtang dingtang manderangba suk ong·gijaniko parakattokaha.
“Ia ramarang namsrangjahani giminan chinga South Garo Hills a·jani headquarter Baghmara-ona re·angna nanggenchimode Chokpot-ona re·bapilna sikrongja. Chokpot-oni Baghmara-ona km 48-mangni gitasan chel·grikaiachim indiba chinga ia ramako songreanio komibeoba kontagnimangkode nangaia,” ine Chokpot sub-division-o kam ka·enggipa police officer saksa aganaha.
Kobor on·timgiparangni aganani gitade, Baromile-oni a·bachenge Chokpot gita Sibbari-ona km 45-mangni gitasan rama dongaiachim indiba ia ramako tarichipkujaengani a·selan songre songgabatenggipa manderang baditaba kontarangko nangskaenga.
Indake ong·engon, Baromile-oni Deku Bazar-ona aro Sibbari-oni km 10 ong·gipa ramarangko da·o tarina a·bachengengaha indiba Silkigre-oni Chokpot-ona dakanggipa ramade obosta namjabatengaha ineba kobor on·timgiparang parakataha.
“Baromile-oni Sibbari-ona Chokpot gita ramarang km 50-mangsan ong·aiachim aro a·dokna ma·mong sorkari aro World Bank-ona indita tangka paisarangko chamatenga ong·ode maini gimin ia ramako tarie on·na man·jaenga? Chinga indita bilsirangna ia rama namjani gimin changni chang sorkarina badi ka·doahachim indiba da·alonan maming dingtanganiko nikna man·kujaenga,” ine Silkigre songni mande saksa suk ong·gijaniko parakataha.
