SHILLONG: India a·song gimikon matchu den·aniko champengatna miksonganio Gau Dhwaj Sthapana Bharat Yatra ba matchurangko chel·chakna jinma re·jomaniko re·baenggipa October-ni 2 tariko ong·atna tik ka·engani gimin a·doko songdongenggipa manderang aro dingtang dingtang dolrangni jegalsotokenganiko nike a·dok sorkari, ia Gau Yatra-ni dilgiparangko Shillong Airport-o bilonna on·jana gita tik ka·angaha.
October-ni 2 tariko ‘Gau Yatra’ ba matchurangko chel·chakna gita jinma re·jomaniko Shillong-o ong·atna manchidilenggipa Gau Dhwaj Sthapana Bharat Yatra-ni dilgiparang, Shillong airport-ona sokbaenga ine koborko man·soani ja·man Sukrobar salo, Khasi Students Union (KSU), Hynniewtrep Youth Council (HYC) aro Hynniewtrep Integrated Territorial Organisation (HITO)-ni membor-rang, Shillong airport-ona re·ange, uamangko champengsona gita airport-o jinma tom·chimongtokahachim.
Hindu Yatra-ni dilgiparangko champengsona gita ritchani ritcha NGO-ni membor-rang Shillong airport-o tom·chimongtokahani gimin so·sojengjeng ong·anirang dongjana gita bakan Ri Bhoi a·jani District Administration, ua biapona sipai dolrangko magistrate baksa chel·chakanirangko on·na watataha.
Indake ong·genchimoba, ia Hindu Yatra-ni dilgiparang September-ni 28 tarikosa sokbaengaha ine koborko man·soani ja·man maming so·sojengjeng ong·anirang dongjana gita ia Hindu Yatra-ni dilgiparangko Shillong Airport-ona re·bana on·jawaha in Ri Bhoi a·jani District Administration, NGO-rangni dilgiparangna u·iataha aro ia Hindu Yatra-ni dilgiparangko Shillong airport-ona re·bana on·jawa ine District Administration-ni ku·rachakaniko man·e ja·mano dolgittam NGO-ni membor-rang, ua biaponi re·angpiltokaha.
Iandake dingtang dingtang dolrangni jegalsamsoanirangko nike a·doko maming so·sojengjeng ong·anirang dongjana gita a·dok sorkari Sukrobar salo tom·e chanchirimangenba, ia Gau Yatra-ni dilgiparangko Shillong Airport-ona re·bana on·jachina Airports Authority of India (AAI)-na sedoatna tik ka·angaha.
Tom·a matchotani ja·man kobor ra·timgipa manderang baksa agangrikengon, “Ri Bhoi aro East Khasi Hills a·ja damgnion maming so·sojengjeng ong·anirang dongjana gita gita Gau Dhwaj Sthapana Bharat Yatra-ni dilgiparangko Shillong Airport-o bilonna on·jachina sorkari, AAI-na sedoatna tik ka·angaha,” ine a·dokni Chief Secretary DP Wahlang parakataha.
“Sonibar salo ia dolni manderang Umroi Airport-o bilonna miksongenga aro matchurangko chel·chakna gita jinma re·jomaniko ong·atna tik ka·aha ine chinga koborko man·soaha indiba uamang ia re·jomaniko ong·atna gita da·onan permission-ko ra·kuja. Uamang permission-ko ra·kujaengoba Sonibar salo, Umroi airport-ona sokbaengaha ine koborrangko man·soahani gimin ia manderangko airport-o bilonna on·jachina gita chinga AAI-ko mol·molatna tik ka·aha,” ine Wahlang aganaha.
East Khasi Hills aro Ri Bhoi a·jao jinma re·jomani aro tom·anirangko champengna gita BNSS-ni Section 163 (Section 144)-ko ra·gataha ineba Chief Secretary parakataha.
Chief Secretary-ni talatani gitade, a·dok sorkari, central puja committee baksaba iani bidingo tom·e agangrikaha aro ia committee-de matchurangko chel·chakna jinma re·jomaniko ong·atanio bakrimaniko on·jaenga ine sorkarina talataniko on·aha.
October-ni 2 tariko ‘Gau Yatra’ ba matchurangko chel·chakna gita jinma re·jomaniko Shillong-o ong·atna manchidilenggipa Gau Dhwaj Sthapana Bharat Yatra-ni dilgiparang, Shillong airport-ona sokbaenga ine koborko man·soani ja·man Sukrobar salo, Khasi Students Union (KSU), Hynniewtrep Youth Council (HYC) aro Hynniewtrep Integrated Territorial Organisation (HITO)-ni membor-rang, Shillong airport-ona re·ange, uamangko champengsona gita airport-o jinma tom·chimongtokahachim.
Hindu Yatra-ni dilgiparangko champengsona gita ritchani ritcha NGO-ni membor-rang Shillong airport-o tom·chimongtokahani gimin so·sojengjeng ong·anirang dongjana gita bakan Ri Bhoi a·jani District Administration, ua biapona sipai dolrangko magistrate baksa chel·chakanirangko on·na watataha.
Indake ong·genchimoba, ia Hindu Yatra-ni dilgiparang September-ni 28 tarikosa sokbaengaha ine koborko man·soani ja·man maming so·sojengjeng ong·anirang dongjana gita ia Hindu Yatra-ni dilgiparangko Shillong Airport-ona re·bana on·jawaha in Ri Bhoi a·jani District Administration, NGO-rangni dilgiparangna u·iataha aro ia Hindu Yatra-ni dilgiparangko Shillong airport-ona re·bana on·jawa ine District Administration-ni ku·rachakaniko man·e ja·mano dolgittam NGO-ni membor-rang, ua biaponi re·angpiltokaha.
Iandake dingtang dingtang dolrangni jegalsamsoanirangko nike a·doko maming so·sojengjeng ong·anirang dongjana gita a·dok sorkari Sukrobar salo tom·e chanchirimangenba, ia Gau Yatra-ni dilgiparangko Shillong Airport-ona re·bana on·jachina Airports Authority of India (AAI)-na sedoatna tik ka·angaha.
Tom·a matchotani ja·man kobor ra·timgipa manderang baksa agangrikengon, “Ri Bhoi aro East Khasi Hills a·ja damgnion maming so·sojengjeng ong·anirang dongjana gita gita Gau Dhwaj Sthapana Bharat Yatra-ni dilgiparangko Shillong Airport-o bilonna on·jachina sorkari, AAI-na sedoatna tik ka·angaha,” ine a·dokni Chief Secretary DP Wahlang parakataha.
“Sonibar salo ia dolni manderang Umroi Airport-o bilonna miksongenga aro matchurangko chel·chakna gita jinma re·jomaniko ong·atna tik ka·aha ine chinga koborko man·soaha indiba uamang ia re·jomaniko ong·atna gita da·onan permission-ko ra·kuja. Uamang permission-ko ra·kujaengoba Sonibar salo, Umroi airport-ona sokbaengaha ine koborrangko man·soahani gimin ia manderangko airport-o bilonna on·jachina gita chinga AAI-ko mol·molatna tik ka·aha,” ine Wahlang aganaha.
East Khasi Hills aro Ri Bhoi a·jao jinma re·jomani aro tom·anirangko champengna gita BNSS-ni Section 163 (Section 144)-ko ra·gataha ineba Chief Secretary parakataha.
Chief Secretary-ni talatani gitade, a·dok sorkari, central puja committee baksaba iani bidingo tom·e agangrikaha aro ia committee-de matchurangko chel·chakna jinma re·jomaniko ong·atanio bakrimaniko on·jaenga ine sorkarina talataniko on·aha.
 |
ReplyForward
|