TURA: Northeast Himalayan (NEH) jolrango gama ge·ani kamrangko nambatatna gita Bristibar salo, South Garo Hills Krishi Vigyan Kendra (KVK), dingtangmancha ICAR-IIHR-ni technology ba kolrangni bidingo game ge·e cha·giparangna skie on·na gita training program-ko ong·atangaha.
Ia training program-ko ong·atanio, South Garo Hills a·jao donggipa dingtang dingtang songrangoni gimik sak 40 game ge·e cha·giparang bak ra·angaha aro uamangna ICAR-IIHR-ni gama ge·anio jakkalgipa kolrangni bidingo agan-skie on·angaha.
Ia training program-ko ong·atanio dingtang dingtang me·su samjakrang, jekai dingtang dingtang rokomni baring belati, beans, baring, ka·rek, lau, mula, dorai aro uandakgipa me·suni bitchilrangkoba game ge·e cha·giparangna suale on·angjolaha.
Ia training program-ko ong·atanio South Garo Hills KVK-ni Head aro Principal Scientist Dr Athokpam Haribhushan, iandakgipa me·su samjakrangko salgro salaram jolrango ge·na gamna gita man·enggipa cholrangni gimin agan-talatanirangko on·angaha.
Ia program-ko ong·atanio, game ge·e cha·giparangna agan-skie on·anggipa gipin manderangara, South Garo Hills KVK-ni Subject Matter Specialist (Plant Protection) aro SMS (Horticulture) Basu Langpoklaklam ong·a.
