TURA: Central Agricultural University (Imphal)-ni ning·o Tura-o donggipa College of Community Science (CCS)-ni gita Mongolbar salo, National Mushroom Day-ko maniangaha.
Ia National Mushroom Day-ko maniani bak gita program-ko ong·atanio, CCS-ni Dean Jyoti V Vastrad dilangaha aro ia program-o HDFS Department-ni Associate Professor Dr Kh Aimol aro MTTC & VTC-ni Assistant Professor Dr Rajkumari Padamini-ba bak ra·angaha.
Ia program-ko ong·atanio, dingtang dingtang rokomni me·gimurangni bidingo jinmana u·iatna gita dingtangmancha poster-rangkoba tarie mesokangaha aro salgro salaram jolrango ge·gipa dingtang dingtang rokomni me·gimurangko mesokangjolaha.
Dingtang dingtang rokomni me·gimurangni gimin segimin lekkakoba ia program-o oprake on·angjolaha.
Ia National Mushroom Day-ko maniani bak gita program-ko ong·atanio gimik sak 45 me·chikrang bak ra·angtokaha.
