TURA: Sukrobar salo, West Garo Hills a·jani Nokmarangna Human Development Leadership program-ni bidingo salsani workshop-ko Tura-ni DRDA Conference Hall-o ong·atangaha aro ia workshop-ko ong·atanio dingtang dingtang songni nokmarang, West Garo Hills a·jani Deputy Commissioner Jagdish Chelani, West Garo Hills DRDA-ni Project Director JRT Sangma aro dingtang dingtang department-ni officer-rangba dongpae bak ra·angtokaha.
Ia workshop-ko ong·atani bidingo West Garo Hills a·jani Deputy Commissioner, tom·anio bak ra·giparangna talate on·angengon, Human Development Leadership programara nokdango pilak manderangni neng·nikanirangko namatna miksonganisan ong·aigija, sorkarini kamrango nokmarang baksa dingtang dingtang kamrangko chu·sokatna miksonganiba ong·a ine aganaha.
Ia workshop-ko ong·atanio, Agriculture, Horticulture, AH & Veterinary, MSRLS, DCIC, Education, PM Poshan, JJM, Health, Social Welfare aro uandakgipa dingtang dingtang department-rang, manderangni namgnina ra·gatgipa dingtang dingtang scheme aro program-rangni bidingo agan-talatanirangko on·angaha.
Ia workshop-ko ong·atanio, Registration Branch, Certificate branch, DRDA, Judicial, Permissions, Disaster Management, Swachh Bharat Mission, Aadhar aro uandakgipa kamrangni giminba agan-talatanirangko on·angaha.
