Resubelpara: Chokpot a·jani GSU president aro secretary baksana Chokpot-ni BDO Jericho N Sangma-ni kosako Garo Hills-oni sak youtuber Tatu Marak, mejalo badi ka·aha, koborko man·soani gitade, meja adita antirangna skang chi banani bidingo ua koborrangko tarianganina ua ka·mikenataniko man·-soaha ine ua matnang-ataha.
Koborko tarianganina ua ka·mikentaniko man·-soanina BDO aro GSU dilgiparangni kosako Resubelpara PS-o badi ka·aha ine Marak aganaha.
Uni channel (NEIG News)-o content tarigipana BDO, Marak-na lekkako sokataha, ine koborna parakataha.
Marak mejamangmang Chokpot-ni Tangki Badima songko wene niangaha. Mikka jimbee weaanichi song namen neng·nikaniko man·aha aro uamang sorkarioni dakchakaniko da·onaba senge dongako mesokangaha. Ua bang·a me·chikmarangko jemang-an songoni ong·a uamang-ko singsandianirangko dakangaha aro sorkari-oniko maiba dakchaka-nirangko man·soahama man·sokuja ine sing·-anirangko dakaha jeon songni manderang man·-sokuja ine aganchak-angaha, ine Marak agan-angaha.
“Anga maming dakeba darangni gisikko saknaatna miksonge tarija aro sing·-anirangko dakangna miksonganiba dongjachim. Jakgitele dakgipa ong·e, angni channel-o apsanko anga upload ka·ataha, uni ja·mano anga kosako jana-patgipa manderangchi ka·mikenataniko man·-soha,” ine Tatu badi ka·ao aganangaha.
Janapatgipa manderang bilakgipa ong·ani gimin police-na badi ka·aniko ua ruutatataha ine youtuber janapangaha. Kosako janapatgipa manderangoni so·otna ka·mikenatani a·sel Resubelpara-o badi ka·-angna nangaha ine ua agandapangaha.
