TURA: South Garo Hills Nongalbibra-oni AYWO, Jadi bajar jolo bijoliko name dake man·jani gimin district-ni Deputy Commissioner-na lekkako on·aha.
Butbar salo badi ka·ani lekkako on·gipao organisation, Jadi jolo bijoli sijringani gimin u·iataha, jeni a·sel ua jolni poraigiparang porikkana poraina gita neng·nikako man·enga. Ua jolo bijoli sia jasa batengjok.
Transformer nosto ong·ani a·sel, bijoli dongjaenga ine janapaha.
Deputy Commissioner-na on·gipa lekkao organisation, uamangni chagrongenggipa neng·nikako nirokatchina mol·molaha aro ua jolo ta·raken bijoliko donpilchina mol·molaha jedakode bi·sarang porikkana name dake poraina man·gen. Unbaksana nosto ong·gipa transformer-ko ra·gale gitalko donchina mol·molaha.
