WILLIAMNAGAR: 2025 bilsini January 1 tarikko qualifying date dake, East Garo Hills a·jani ning·o donggipa Assembly constituency damgittam, chong·motan 41-Songsak (ST), 42-Rongjeng (ST) aro 43-Williamnagar (ST) constituency-rangna draft electoral roll-rangko chapa ka·aha ine Sombar salo, East Garo Hills a·jani Deputy Commissioner (Election) u·iataniko on·ataha.
Deputy Commissioner (Election)-ni u·iatani gitade, ia electoral roll-rangko chapa ka·anio taridapna ba jegalna nanganirang donggenchimode ia 2024 October 29 tarikoni November 28 tarikona cholko man·gen aro 2025 bilsio bilsi 18 gapna sienggipa manderangba, an·tangtangni bimingrangko electoral roll-rango segatna gita dorgastorangko galna man·gnok.
Electoral roll-rango a·kangani ba jegalna nanganirangko constituency-tangtangni Electoral Registration Officer-rangni office-rango ba Deputy Commissioner (Election)-ni office-ona ra·bae mesokena man·gen ineba u·iataha.