Monday, July 7, 2025
spot_img

Tribal-rangko mande ra·ani giminsa UCC-oniko wata ine BJP Minister a·kanga

Date:

Share post:

spot_imgspot_img

SHILLONG: India a·song gimikon Uniform Civil Code (UCC)-ko ra·gatgenchimoba Bharatiya Janata Party (BJP), Tribal-rangna chanchigipa aro mande ra·gipa ong·ani gimin Meghalaya a·dokko man·chape pilak Tribal a·dokrangon ia niamoniko Tribal-rangkode wataha ine Budbar salo, BJP-ni dilgipa aro a·dokni Cabinet Minister AL Hek parakataha.

India a·songni je biaprango UCC-ko ra·gatgenchimoba Tribal-rangkode ia niamoniko watgen aro iano maming jajana nangani katta dongja ine adita salrangna skangsan Union Home Minister Amit Shah-ba parakatahachim.

Indake ong·engon, UCC-oniko Tribal-rangko wataniara pilak Tribal a·dokrangon BJP-ni bidingo manderangni chanchianiko dingtangatani ong·gnok ine Hek aganaha.

“A·dokni manderang aro Tribal-rangni nangnikanirangko BJP knatime aro iani giminsa Meghalaya a·dok gita dakgipa pilak Tribal a·dokrangon UCC-ko ra·gatjana tik ka·aha,” ine ua aganaha.

Hek-ni aganani gitade, Tribal-rangko UCC-oniko wataniara BJP, manderangna chanchigipa aro Tribal-rangni nangnikanirangko ma·sichakgipa ong·a ine mesokani ong·enga.

UCC-ko Tribal a·dokrango wataniara a·doko BJP-ko ra·chakna chol ong·engama ine sing·anina aganchakaniko on·angskaengon, “Ian Meghalaya a·doko BJP-ko election-rango chena chol on·ani ong·naba gnang,” ine BJP Minister aganaha.

UCC-ni kosako a·dokni Chief Minister Conrad K Sangma-ba ku·rangko on·e, ian a·songo dingtang dingtang jat aro toromni dakbewal rikbewalko pe·ani ong·enga ine aganahachim.

spot_imgspot_img

Related articles

BRICS summit: India used AI to make health systems, climate efforts more effective, says PM Modi

Rio de Janeiro, July 7: India leveraged technology like Artificial Intelligence (AI) to make health systems as well...

US Treasury Secretary hints at more trade deals ahead of July 9 deadline for tariff hike

New Delhi, July 7: United States' Treasury Secretary Scott Bessent on Sunday said that Washington is close to...

Assam CM launches ‘Mission BTR’, claims Congress has ‘no foothold’ in Bodoland

Guwahati, July 7: Assam Chief Minister Himanta Biswa Sarma kicked off a five-day tour of the Bodoland Territorial...

Tripura: TMP stages protest rally demanding deportation of ‘infiltrators’

Agartala, July 7: Ruling BJP ally Tipra Motha Party (TMP) on Monday organised a rally demanding the push-back...