Saturday, March 15, 2025

NEHU-ni Registrar aro Dy Registrar-ko ra·galchina dabianiko VC jegala

Date:

Share post:

spot_img

VC kam watjaskal chatro chatrirang okumu chake jingjengatskana ka·mikkenata

SHILLONG: North Eastern Hill University (NEHU)-ni Registrar aro Deputy Registrar-ko niam gri kamo rakkia ine ia official-rangko ra·galchina NEHU Students Union aro NEHU Teachers Association (NEHUTA) dabitokengon, ia official-rangko ra·galchina dabianiko NEHU-ni Vice Chancellor (VC) Prof Prabha Shankar Shukla jegalatskaaha.

Iani bidingo kobor ra·timgipa manderang baksa agangrikengon, ia official-rangko niamo pangchakesa kamo rakkiahani gimin saksa sakgni manderangni nangnikaiani giminde ra·galna man·jawa ine Prof Shukla parakataha.

“NEHU-ni Registrar aro Deputy Registrar-ko screening-rangko dakchenge aro interview-rangko ra·esa kamo rakkiaha. Uamangni kamrangko niamo pangchakesa chalaienga aro vice chancellor-ko man·chape saniba ge·etanichide ka·jaenga,” ine ua aganaha.

Ia official sakgnikon NEHU-ni website-o donggipa cadre recruitment rules-o pangchakesa kamo rakkiaha ine janapatengon, niamrangoni mingsade Registrar aro Deputy Registrar-ko songna gita sakbongaoni saksni membor donggipa selection committee-ko donanian ong·a aro ia committee-ni membor-rangara SC aro ST jatrangonin ong·a ine NEHU-ni VC parakataha.

“Ia official-rangko vice chancellor saksani mikkangosan ong·ja indiba selection committee-ni mikkangosa interview ra·aha aro ia official-rangko kamo ra·aniba vice chancellor saksani ong·ja indiba committee gimikni namnikanisa ong·a,” ine Prof Shukla aganaha.

NEHU-ni Registrar aro Deputy Registrar, kamtangko ma·sija ine matnangenggipani bidingo janapatengon, NEHU-ni Registrar-ko kamo rakkia da·o bilsisa ong·na sipilengaha aro uni kosako badi ka·na nanga ong·ode a·bachengon ka·na nangachim ine VC aganaha.

Indake ong·engon, NEHU-ni VC Prof Shukla, kamtangko wate on·jaskal uamang okumu chake jingjengataniko dontongjawa ine NEHUSU, ka·mikkenataniko on·angskaaha.

“NEHU-ni VC Prof Shukla, kamtangko watjaskal, chingni sak 20 membor, okumu chake jingjengataniko dontongkujawa,” ine NEHUSU-ni president Sandy Sohtun parakataha.

Press Conference-ko ong·atanio Prof Shukla-ni pa·sikanirangko uamang ra·chakna man·jawa ineba NEHUSU-ni president parakataha.

NEHU-ni VC kamtangko watjaode, uamangni jingjengataniko bilakbatatgen aro university-ko chipe dongen ine mikrakataniko on·angengon, skigiparangkoba class ra·aniko dontongchina NEHUSU-ni president mol·molataha.

spot_img

Related articles

Our approach is ‘India First’ in trade talks with US, says Piyush Goyal

New Delhi, March 14: Commerce Minister Piyush Goyal on Friday said that he "had a forward-looking discussion with...

Bhutan cops to undergo training at Assam police academy: Minister

GUWAHATI, March 14: After imparting training to new recruits of Manipur Police and Goa Police, the Lachit Barphukan...

Security forces nab several cadres of Manipur militant groups with arms

Guwahati, March 14: Security forces in Manipur conducted a series of operations across separate locations of the state...

Russian President meets Trump’s envoy, given ‘additional details’ on talks, says Kremlin

Moscow, March 14: Russian President Vladimir Putin has met US President Donald Trump’s special envoy, Steve Witkoff, and...