TURA: 56-Gambegre Assembly Legislative Constituency-ni gital MLA-ko seokna gita Budbar salo by-election-ko ong·atani, dam 51 polling station-rangon tom·tome matchotangaha aro ia by-election-o manderangni pu·onani 90.84 percent gapangaha.
Official-rangni u·iatani gitade, badiaba badiaba polling station-rango Electronic Voting Machine (EVM) aro Voter Verifiable Paper Audit Trail (VVPAT)-rang bang·gija te·srena nangana agrede bang·bata polling station-rangon, ia by-election-na pu·onaniko maming neng·nikani gri tom·tomen matchotatna man·aha. 21-Marapara aro 50-Upper Darenggre polling station-rango VVPAT-rang kam ka·jahani gimin VVPAT-rangko te·srena nangaha aro apsan daken 39-Rongkon Songgital polling station-oba VVPAT-ko te·srena nangaha ine official-rang u·iataha. 51-Dilnidura polling station-oba EVM kam ka·jahani gimin ta·raken EVM-ko te·srena nangaha aro 2-Aminda Simsang-oba CU, BU aro VVPAT-ko te·srena nangaha ineba official-rang aganaha.
Gambegre constituency-ni gitcham MLA Saleng A Sangma, ia bilsini a·bachengachibara ong·atanggipa Tura parliamentary election-o chegipa ong·e MLA ong·aniko watna nangahani gimin ia by-election-ko ong·atna nangahachim.
Ia by-election-o National People’s Party (NPP), Meghalaya a·dokni Chief Minister Conrad K Sangma-ni jikgipa Mehtab Chandee A Sangma-ko susaatengon, Trinamool Congress (TMC)-ba a·dokni gitcham Minister Zenith Sangma-ni jikgipa aro Dengnakpara-ni MDC Sadhiarani M Sangma-ko susaatskaahachim. Una agreba ia by-election-o Indian National Congress (INC)-ni candidate Jingjang M Marak, Bharatiya Janata Party (BJP)-ni candidate aro Tura-ni MDC Bernard N Marak baksana Independent candidate sakgni, chong·motan Sengkrabirth Ch Marak aro Jerry A Sangma-ba susaangaha.
Gambegre constituency-o gimik sak 33,091 voter-rang donga aro ianoni sak 16,881-de me·asarang aro sak 16,207 voter-rangde me·chikrang ong·a.
Election official-rangni u·iatani gitade, Gambegre constituency-ni ning·o sakgittam service voter-rang, sak 993 chadambe voter-rang, sak 64 butchuma budepa voter-rang aro sak 100 be·enni gita cholgri ong·gipa voter-rang donga.
Gambegre by-election-ni vote-rangko November 23 tariko changen aro apsan salon result-koba parakatskanasienga.
Gambegre by-election-na pu·onani tom·tome matchotanga, pu·onani 90%-na bata
Date:
Share post:
