SHILLONG: Mawkdok-o Skywalk project-na Union Minister for DoNER Jyotiraditya Scindia-chi pangchakaniko songanina Meghalaya-ni Chief Minister Conrad K Sangma kusi ong·aniko aro namnikaniko parakataha.
Skywalk project a·dokna ge·sa chu·sokgipa ong·a-niko Sangma Cherry Blossom festival-o aganaha. “Mawkdok biapna Skywalk project ga·sa niksenggipa project ong·enga, ia ding-tangmanchagipa project-na tangka paisarangko chama-tanina anga Union Minister-ko mittelna namnika. Ian namen gamchatgipaong·a jeon ua an·tangan ia niksenggipa Skywalk project-na pangchakaniko songaha,” ine ua aganaha.
Meghalaya-ni bilake namroroanio tourism-ni mongsonggipako Chief Minister talatangaha, aro Department of North Eastern Region (DoNER)-oni dakchakaniko man·ang-kuna ka·dongsoe aganangaha. “An·chingni a·jao gimikni gita bilakaniko man·anio tourism-an ge·sa namen gamchatgipa bak ong·enga. North East department-ni gita mikkang-chi chinga bang·a dakchak-anirangko man·angkuna chinga namen ka·dongso-enga,” ine Sangma aganaha.
“A·dokni manderang aro chingni a·jani palo, chingni a·dokona aro ia festival-ona nang·ko rim-chaksona anga ia nambe-gipa cholko ra·na namnika,” ine Sangma Scindia-ko rimchaksoengmitingo aganaha.
Union Minister Scindia, jean Cherry Blossom Festival-ni bak ong·e ong·atgipa concert-o bakko ra·angaha aro Meghalaya-ni tourism a·bao bilakani gimin aganangaha. “India-o anga indakgipa gadango ong·atgipa concert-rangko nika dongkuja jekon da·ao anga Shillong-o nikenga. Iano bak ong·pana man·e bilongen kusi ong·a,” ine ua aganaha.
Skywalk project-na Union Minister Scindia-ko CM Conrad mittelanga
Date:
Share post:
