TURA: Sin·kario man·gipa me·su samjakrangko nambate gama ge·ani bidingo agan-talate on·na gita re·anggipa November 14 tarikoni November 16 tarikona Farmer-Scientist Interaction program-ko Garo Hills-ni biap damgittamo ong·atangaha.
Ia program-ko South West Garo Hills a·jani Harigaon, South Garo Hills-ni Jetra aro South West Garo Hills a·jani Dorambok songrango ong·atangaha aro ia program-ko ong·atanio ia song damgittamoni sak 163 manderang bak ra·e, sin·kario man·gipa me·su samjakrangko nambate gama ge·ani bidingo skie ra·na gita man·aha.
Ia program-ko ong·atna gita Indian Council of Agricultural Research (ICAR)-Indian Institute of Vegetable Research aro Shillong-ni ICAR-Central Potato Research Institute Regional Station dakchake on·aha.
Ia program-ko Central Agricultural University (Imphal) ning·o donggipa Tura College of Community Science (CCS)-ni Dean Dr Jyoti V Vastrad-ni dilanichi ong·ataha aro ia program-ko College of Community Science-ni ning·o donggipa Multi Technology Testing Centre aro Vocational Training Institute-ni Assistant Professor Dr Priyadarshani P Mohapatra dakdilangaha.
