SHILLONG: A·doko bang·a JJM project-rang matchotani ja·manoba chirang jokgija dongkuenga, kamrang matchotani ja·mano project-rangko namedake simsakna-jakkalna sorkari ru·utgija somoni gisepon Operation aro maintenance rule-rangko ra·gatnasienga.
Bang·bata project-rangan name tarichina agan-janapani gita name kam ka·aha ine PHE Minister, Marcuise Marak aganaha.
December jao JJEM project-ko matchotatna sorkari jotton ka·enga, project matchottokani ja·mano BSCW niangnaba donga ineba ua parakaha.
A·arangko cho·a aro buringrangko o·a dakna nangani a·selo mitam project-rangko matchotatanio ru·utenga, project-o chi tankirang aro chekani gita bang·a namgnirang donga, ua aganaha.
Jal Jeevan Mission (JJM-ko India-ni Prime Minister Narendra Modi, 2024 bilsio songgadam-nokadamni nokantina Functional Household Tap Connection (FHTC)-ko on·a 2019 August 15-o a·bachengataha.
Programme Jal Jeevan Mission, manderangna chiko on·ani ong·gen aro mission-ni mongsonggipa dakgni ong·e Information, Education aro communication dongdapgen.
2022 December jao ia programe-ko Meghalaya-o nokanti gimikna chiko sale on·a sorkari nangnikaha indiba project-ko matchotna dongimin somoi gita matchotatna man·jaha.
JJM project matchottoka ja·man Operation-maintenance rule-ko ra·gatgen: PHE Min
Date:
Share post:
