TURA: West Garo Hills Tura, Social Welfare Department, “Ageing with Dignity: The importance of Strengthening Care and Support Systems for Older Persons Worldwide” ja·pang kattako done Asanang Rongram C & RD Block, Multi Facility Centre-o program mingsako ong·atao International Day for Older Persons-ko maniaha.
Rongram C & RD Block, Block Development Officer Cherime R Sangma Chief Guest ong·e tom·ao aganao budepa-butchuma manderangni kam ka·anirangko cholrangni bidingo u·iataniko on·anina aro uamangni neng·nikanirangko aro nokdangrangko, jatni dolrangko nirok-simsakdilaniko aro uamangni chagrongenggipa dingtang dingtang neng·nikanirangko namatna daitoko jako ra·e kamko ka·giparangko ma·sie ia salko maniaha. Budepa-buchumarangna bang·en scheme-rangko agan-mesoke uamangni an·tangtangni namgnina sorkarini on·gipa ua scheme-rangko, tangka-paisarangko aro sana-banani cholrangko ra·china ua uamangko didiaha.
Bilsi 60 ba una batgiparangna Old Age Pension Scheme gita sorkarini on·enggipa bang·a scheme-rang aro namgnirangni bidingo West Garo Hills, District Social Welfare Officer, Madonna T Sangma u·iataha aro Garo Hills-o ua scheme-rangko bang·arangan man·a dongja ine ua aganaha.
District Legal Services Authority (DLSA), Tura-oni dilgipa, scheme-rangko man·giparangna legal service-rangni bidingo aganao diabetes, hypertension, cancer aro unagreba gipin gipin saa-ding·anirangna batrikrikgijagipa sabisirangko indin test ka·ani gita buchuma-budeparangna sorkari indin sana-banani cholrangko on·ako jemangan Medical department-oni sana-banani cholrangko man·a uarangko talataha.
Chief Guest, programe-o budepa-buchimarangna boksisrangko on·aha aro indin sane-bane aro check-up-rang ka·e on·angaha.
