TURA: Meghalaya Indigenous Minority Tribals Forum (MIMTF)-ni gita, GHADC dongengani gi-sepon dingtang regional council-rangko bikotangna dabienganiko Butbar salo ACHIK jegalataha.
Mongolbar salo Union Minister of Tribal Affairs Jual Oram-na iani bidingo memorandum-o janapjola-taha. “Sixth Schedule-ni na-men mongsonggipa bakara jeni ning·on GHADC, ku·-cholsan ong·aniko, silro-roaniko aro tribal jatrangni ra·chimonggipa u·i ma·si-arangko uamangni autonomous region-rangni gisepo bilake ra·angna chalaienga. GHADC-ni ning·o regional council-rangko bikotanio manderangni gisepgriko neng·nikanirangko ra·bae agananio batesa ku·mong-aniko be·atgen, Sixth Scheduled-ni miksong-aniko komiatgen aro GHADC-ni authority-ko mikchepgen,” ine organization memo-o jaksi ote mesokangaha.
Forum-ni dabianiko organization-ni minggipin jegalani mongsonggipa donga jeonra·chimonggipa tribal identity-ko gimaatan baksa GHADC-ni sorkari rikaniko bilgriatgen, ku·-cholsan ong·ani gisiko ke-natenga ineba janap-angaha. Stakeholder-rang gimikan dabigipako jegal-china mol·molangaha, indakgipa dabianirangko tariangoni ra·galpilchina jeon a·jani gisepgriko jatsa jatgipin baksa nang-grikaona soknaba donga ine MIMTF-ko organization mol·molangaha.
