TURA: ‘Increasing Access to Justice through Community Mediation’ ine pangchakaniko donenba, Bristibar saloni a·bachenge, seoka man·gimin advocate/LAC-rangna Department of Justice-ni ning·o training program-ko salgnina Tura District & Session Court Complex-ni Conference Hall-o ong·atenga.
Ia training program-ko ong·atanio, Meghalaya High Court-ni Registrar General aro MSLSA-ni Member Secretary E Kharumnuid aro MSLSA-ni Officer on Special Duty TTM Sangma dongpae bak ra·angaha aro ia program-o India sorkarini Justice Department-ni ning·o donggipa DISHA-ni Program Manager Dr Sneha Sharma, Law & Justice Ministry-ni ning·o donggipa Justice Ministry-ni Joint Secretary Niraj Kumar Gayagi baksana Supreme Court-ni Secretary General/OSD aro NALSA-ni Member Secretary (In-charge) Bharat Parasha, internet gita bak ra·angskaaha.
Ia training program-ni technical session-o, MSLSA-ni Officer on Special Duty TTM Sangma, ‘Understanding Conflict, Concept, Comparison between litigation and ADR, Process, Stages, Role of mediators and training of mediators’ katta bichongo pangchake ukilrangna agan-talatanirangko on·angaha aro East Garo Hills District Legal Services Authority-ni Secretary aro Chief Judicial Magistrate NM Momin, ‘Communication, Negotiation, Impasse, Role of referral judges, Role of lawyers, Role of parties’ katta bichongo pangchake agan-talatanirangko on·angskaaha.
