TURA: Waram Songma songo Harding Universal Trust (HUT) Edenbari, Tura-ni International Inter-Cultural Research Institute-ko rikna gita Bristibar salo, Meghalaya Legislative Assembly-ni Speaker Thomas A Sangma aro EMW Germany-ni ning·o donggipa Desk for Theology & Ecuminism-ni Head Dr Silja Joneleit-Oesch-ni jakchi pangchakaniko songe on·angaha.
Ia International Inter-Cultural Research Institute-ko rikna gita pangchakaniko songe on·anganio dongpae bak ra·anggipa gipin manderangara, Harding Universal Trust-ni Secretary Dr Imnanungshi Imsong, HUT-ni Chairperson Beryl B Sangma, A·chik Baptist Dal·gipa Krima-ni General Secretary Dilseng M Sangma, HUT-ni Treasurer Franklin K Marak, ABDK-ni gitcham General Secretary Rev Janang R Sangma, Clark Theological College-ni Principal, Mon Theological College-ni Principal aro gipinrang ong·a.