SHILLONG: 2024-2025 bilsini ‘Special Assistance to States for Capital Investment – Development of Iconic Tourist Centres to Global Scale’-ni ning·o tourism-ko tang·doatna gita dam 23 a·dokrangna ma·mong sorkarini gong kror 3,295.76 tangkarangko chamatanio Meghalaya a·doknaba gong kror 199 tangkarangko man·rikpaaha.
Ia tangka paisarangko a·dokni Tourism department, Umiam Lake-ko taridapani aro Mawkhanu-o nitobegipa biapko rikanio jakkalna gita tik ka·angaha. Ia biap damgninan Tourism department, gong kror 99.27 ka·e tangka paisarangko chamataha.
Ia scheme-ni ning·o Meghalaya a·dokba, gong kror 198.5 tangkarangko man·e, tangka paisarangko bang·bate man·gipa dambonga a·dokrangoni damsa ong·paaha maina salgro salaram a·dokrango, gong kror 100-na bate man·gipa a·dokrang, Assam aro Meghalaya a·doksan ong·aiachim. Uasan ong·aigija, India a·songni gipin dal·dalgipa a·dokrangna bateba Meghalaya a·dokan ia scheme-ni ning·o tangka paisako bang·bate man·rikaha.
Iani bidingo a·dokni Chief Minister Conrad K Sangma, an·tangni kusi ong·aniko janapatenba, ian Meghalaya a·doko namnamgipa tourist biaprangko tarina sorkarini krenge kam ka·enganiko mesokani ong·enga ine parakataha.
Meghalaya a·doko ong·telaigipa samtangtangrangko naljoke rakkina kam ka·engon, ia project-rangara a·dokni economy-ko tang·doatna dakchakani ong·gen ineba Sangma aganaha.
 |
ReplyForward
|
