SHG-o Life Skills training-ko ong·ata

TURA: Meghalaya Institute of Governance ( MIG) Shillong, Don Bosco School Higher Secondary School Hall Banghmara-o ‘Building Young  Leaders by Empowering Adolescents boys and girls with transformational life skills’-ni ning·o Life Skills Training-ko ong·atao bakko ra·e matchotgipa teacher aro student-rangna certificate-rangko suale on·angaha.
South Garo Hills District-ni Additional Deputy Commissioner aro Project Director DRDA P.R Marak, programo bak ra·e certificate man·giparangna nama sikaniko on·aha aro iandakgipa programrang mikkangchi janggi tanganio na·simangni ka·donganiko bilakatgen ine aganaha. “Je skianirangko na·simang man·aha, ian na·simangni janggi tanganio changa-sapaniko, u·ianiko baridapatgen’ ine aganaha.
MIG-ni Programme Coordinator June H Warbah, South Garo Hills-ni manderangna project-ko jako ra·e kam ka·ani giin aganprakskaha. District-oni chadamberangona ia skill ba changa-sapaniko sokatna re·mikkanganio chu·sokaniko man·anina kusi ong·e parakatengon, Life Skills training-o gisik nangbee bak ra·anina mittelataha.
Programo dingtang dingtang school-rango teacher, student-rang bakko ra·angaha. Baghmara-oni dingtang dingtang institute-oni student-rang certificate-ko on·angaha.