SHILLONG: Parliament-ni da·o ong·enggipa winter session-o parakatnasienggipa ‘One nation one election’ (ONOE) bill-ara a·songni constitution-ni gita namen democratic-ni gita ong·gijagipa ine Opposition Congress aganaha.
“Chinga gimikan aganenga, chinga parakatgijagipa emergency-o dongenga iakosan mesokenga aro niam-bidikni gita namen ong·srangja,” Opposition Chief Whip aro saksasan dongaigipa MLA, Ronnie V Lyngdoh aganaha.
“Election-rango chenamangmangsa ia chanchiako uamang ra·baha uni gimin Congress party ong·e chinga iako jegalenga. Kam man·gijani rate-ko, game cha·giparangni neng·nikaniko aro kangal-cholgrirangko niatbo, election gimikon chegenma?’’ ua sing·doa gnang aganaha.
“Janggi tanganiko aro manderangni janggi tangani gadangko nambatatna kam ka·na aro chadamberangko kam man·atna na·simangni election-rango cheani ong·enga. Anga chanchia kam man·gijani rate namen tang·doani a·songni itihaso ong·enga,’’ uan aganaha.
“Constitution-ko ja·rikna uamang a·kangenga indiba uamangni kam ka·anirang Assam-ko niatna man·gen opposition-nasan ong·enga, manderang maiko cha·gen? uko Chief Minister-san chanchigen, Iara maia ong·aha? North Korea ba Russia a·song gita chinga democracy-o janggi tangenga,” ua aganaha.
Koborni gita, Prime Minister Narendra Modi-chi chalaidilenggipa Union Cabinet, ‘one nation, one election’ ra·gatna bill-ko ra·chakaha aro da·o ong·enggipa Winter Session-o Parliament-o ua draft legislation-ko parakatnasienga.
