Saturday, April 26, 2025

SWGH Boldamgre-o Meghalaya Bharat Scouts and Guides, Annual Get-Together Program-ko ong·ata

Date:

Share post:

Ampati: South West Garo Hills-ni Meghalaya Bharat Scouts and Guides, Annual Get-Together Program-ko 2024 December 12 tarikoni 14 tarikona South West Garo Hills-ni Zikzak C&RD Block-ni ning·o Boldamgre Government Upper Primary School campus-o ong·ataha. “Our Thriving Future” pangchakani baksa program-o sak 35 Scout-rang, sak 70 Guide-rang, sak 10 Rover-rang, sak 12 Ranger-rang, aro sak 8 staff membor-rang chu·gimik sak 135 manderang bakko ra·angaha.
Program-ni gnigipa salo 54-Mahendraganj Constituency-ni MLA Sanjay A Sangma mongsonggipa sokgipa ong·e bak ra·angaha. Namgipa discipline gnanggipa aro songdonggipa ong·e daitangko dakna u·igipa bimango ong·angna Scout aro Guide-rangni jotton ka·anina MLA de·mittele aganangaha aro a·songko rikanio chadamberangni mongsonggipa dilani ja·kuna mikkangchi teng-sugiparang ong·angchina tom·ao MLA didiangaha.
Salgittam ong·atgipa program-o changa sapa-niko tang·doatna, teamwork kam ka·na aro jatni dakbewal rikbewalrangko gamchate ra·na dingtang dingtang kamrango aro susaanirango bak ra·angna skie on·angaha.
Mong-songgipa program-o songchak ritchakni gri songsusaani, Quiz competition, cultural git aro chrok me·saanirang aro noksa salsusaani aro rong nongsusaanirangko ong·atchapaha. Ia dake nianirangko Scouts and Guides-ni District Secretary Pular D. Shira aro South West Garo Hills, Scouts and Guide-ni Disctrict Organising Commissioner Debarson A Sangma-mangni
dilani ning·o bite gnanggipa bakrimaniko ong·ataha.
Program-ni bon·kamgipa salo joltangni artist Silbert Abrio Sangma-chi knato-begipa ku·rangrangchi gitrangko ring·angaha. Program-ko mongsonggipa sokgipa Sanjay Sangma-chi matchotataha, dingtang dingtang susaanirango bak ra·giparangna jemangan chegiparang uamangna boksisrangko sualangaha.
Chadamberangni gisepo didiani gisikrangko ong·katatna dilgipa ong·aniko tang·doatna aro ku·cholsan ong·aniko ong·katatna Meghalaya Bharat Scouts and Guides-ni mongsonggipa mik-songanina annual get-togehter program chu·-sokgipa ong·aha.
Caption: South West Garo Hills-ni Meghalaya Bharat Scouts and Guides, Annual Get-Together Program-ko 2024 December 12 tarikoni 14 tarikona South West Garo Hills-ni Zikzak C&RD Block-ni ning·o Boldamgre Government Upper Primary School campus-o ong·atgipao bak ra·gipa scout aro guide-rangko aro skigiparangko noksa nikenga.

Related articles

Sleep well, avoid junk food to keep your liver healthy

New Delhi, April 26: Having a good night's sleep and avoiding junk food is essential to keep the...

Over two lakh people, top world leaders attend funeral ceremony of Pope Francis at Vatican

Vatican City, April 26: The funeral mass ceremony of Pope Francis, that began Saturday afternoon, India time, in...

Pak Army Chief escalates anti-India rant, rakes up two-nation theory again

Islamabad/New Delhi April 26: Pakistan's Chief of Army Staff (COAS) General Syed Asim Munir on Saturday once again...

BJP extends support to Candle Light Gathering on April 27

Shillong, April 26: BJP Meghalaya, which was amongst the first in the state to organise a protest against...