SHILLONG: Party-ko wate katanggipa sakgittam gitcham Congress MLA-rangni kosako party-ni gita kachariona re·angna chanchiman·pilonaba, uamang da·alona kingkingba, uamangko ra·galchina gita mol·mole seatgipa chittini bidingo Assembly Speaker-ni Office-oni maming dakgipa aganchakanikoba man·sokuja ine Opposition Congress aganaha.
“Chinga da·alona kingkingba official gita ja·ku de·ani bidingo Assembly Speaker-ni maming aganchakaniko man·sokuja. Iarangni bidingo mamingkoba agangrikataba dongkuja” ine Opposition Chief Whip aro Congress MLA, Ronnie V Lyngdoh aganaha.
Unomitingo, Congress-ni gitcham sakgittam MLA-rangko ra·galchina petition on·gipani bidingo advocate general baksa agangrikon, uamangni party-oni ong·kate katanio maming ong·gijani dongja ine anga ma·sina man·aha ine Assembly Speaker Thomas A Sangma aganaha.
“Anga angni raiko on·manaha indiba uamang mol·moltaienga. Agangrikaniko dakani ja·mano angni rai on·ani kakketan ong·aha. Anga angni chanchiatangon kim·kim chadenga,” ua aganaha.
Indake ong·genchimoba, Congress-ni sakgittam gitcham MLA-rangko ra·galchina gita Congress camp, Meghalaya High Court-ni do·gako doktikna tariskaenga.
Indake ong·engon, Congress-ni niam-ain ma·sigipa dol, niam-bidikni bidingo mikasalgiparang baksa New Delhi-o agangrikenga.
Constitution-ni Tenth Schedule-ni under Paragraph 2(1)(a)-o pangchake, party-ni gitcham MLA Celestine Lyngdoh, Charles Marngar aro Gabriel Wahlang mangko ra·galchina gita Congress dilgipa Ronnie V Lyngdoh, Assembly Speaker-n changgni petition-rangko on·manpiljokchim.
Party-ni gitcham MLA sakgittamko ra·galkujaengani gimin agangrikenga: Cong
Date:
Share post: