TURA: National Highway (NH-127B) ramana an·tangtangni a·arangko on·gipa manderangna ma·mong sorkarini tik ka·gimin damo tangka paisarangko gamchina aro ia NH-127B-ni Phulbari-Goeragre bakko somoi gita tarichina didie All Meghalaya Minority Students Union (AMMSU), Union Road Transport & Highways Minister Nitin Jairam Gadkari-na sedoataha.
Iani bidingo Union Minister-na seachi u·iatengon, ia ramana an·tangtangni gamchatgipa a·arangko on·gipa nokdang ge·antian ma·mong sorkarini tik ka·gimin gita tangka paisarangko man·na nangchongmota ine AMMSU parakataha.
Da·o dongenggipa rama namroroangjaengahani a·sel songni nokni manderangsan ong·aigija ia ramako re·ruraenggipa pilakan neng·nikanirangko chagrongna nangtokenga ine janapatengon, manderangni neng·nikanirangko namatna gita Phulbari-oni Goeragre-ona dakanggipa NH-127B ramani bakko ta·raken matchotate on·china AMMSU, Union Road Transport & Highways Minister Nitin Jairam Gadkari-ko mol·molataha.
 |
ReplyForward
|