BOKO: Adita salrangna skang, Assam Kamrup a·jani Valera songo donggipa Hindu manderangko Kristian pil·atna jotton ka·a ine potchipenba, Bherbheri songni Kristian manderangko chadrapaha aro mitamko so·otna jotton ka·aha ine kobor on·aha.
Iani bidingo, Kamrup aro Goalpara Christian Forum aro Assam-ni dingtang dingtang Kristian NGO-rang, dingtangmancha press meet-ko Santipur songo ong·atenba, kobor ra·timgiparangna talate on·angaha.
Ia a·selni bidingo talataniko on·angengon, re·anggipa December 4 tarik Budbar attamni 6:00 bajimango, Palashbari Assembly constituency-ni ning·o donggipa Valera songni me·chikma saksa uamangko mi gital cha·na ine okamatahani gimin Bherbheri songni me·chik sak 10 aro me·asa sak 12-ko man·chape gimik sak 22 manderang, Valera songona re·angahachim indiba Valera songona sokange, nok te·sao cha ringani ja·man re·angpilengmiting somoio songni adita sak chadamberang, uamangko champengsoenba, kragija kattarangchi aganna a·bachengagaha ine a·selko chagronggipa me·chik saksa parakataha.
“Walni 8:30 bajimango ia songni adita chadamberang, chingni me·chikrangko aro mitam chadamberangko Valera songni ‘NamGhar’-ona rim·angaha aro indakmiting somoio me·chikma saksade an·tangni gamchatbegipa sonani earring-ko gimaatna nangaha. Ja·mano uamang ia me·chikmako dokaha aro uni gitokko rim·geke uko so·otna jotton ka·aha,” ine a·selko chagronggipa me·chikrangoni saksa kobor ra·timgiparangna aganaha.
Ia a·selko chagronggipa manderangni parakatani gitade, uamang Valera songona re·ange, Hindu manderangko Kristian pil·atna jotton ka·aha aro songo Krismasni askikoba kadena jotton ka·aha ine Valera songni manderang matnangtokahachim.
“Valera songo donggipa te 150 nokdangrangoni nokdang ge·bride Kristian toromko ra·aha ine songni manderang, chingkoba ua songona re·ange, Hindu manderangko Kristian pil·atna jotton ka·aha aro songona matchu be·en ra·e re·angaha ine matnangtokaha. Chinga Kristianrang aro Isolo bebera·giparang ong·genchimoba Isolni kattarangko skiprakgiparangde ong·paja aro chinga ua songona uamangko Kristian pil·atnade re·angja ine chinga uamangna talatna jotton ka·ahachim,” ine ia a·selko chagronggipa manderangoni saksa kobor ra·timgiparangna aganaha.
Uamangko chadrapengmiting somoio Palashbari Police Station-ni Deputy Inspector saksasa re·bae jokateaha aro ja·mano uamangko medical-na rimangenba walni somoio noktangtangona watatpilaha ineba a·selko chagronggipa manderang parakataha.
Iani bidingo, Kamrup aro Goalpara Christian Forum aro Assam-ni dingtang dingtang Kristian NGO-rang, dingtangmancha press meet-ko Santipur songo ong·atenba, kobor ra·timgiparangna talate on·angaha.
Ia a·selni bidingo talataniko on·angengon, re·anggipa December 4 tarik Budbar attamni 6:00 bajimango, Palashbari Assembly constituency-ni ning·o donggipa Valera songni me·chikma saksa uamangko mi gital cha·na ine okamatahani gimin Bherbheri songni me·chik sak 10 aro me·asa sak 12-ko man·chape gimik sak 22 manderang, Valera songona re·angahachim indiba Valera songona sokange, nok te·sao cha ringani ja·man re·angpilengmiting somoio songni adita sak chadamberang, uamangko champengsoenba, kragija kattarangchi aganna a·bachengagaha ine a·selko chagronggipa me·chik saksa parakataha.
“Walni 8:30 bajimango ia songni adita chadamberang, chingni me·chikrangko aro mitam chadamberangko Valera songni ‘NamGhar’-ona rim·angaha aro indakmiting somoio me·chikma saksade an·tangni gamchatbegipa sonani earring-ko gimaatna nangaha. Ja·mano uamang ia me·chikmako dokaha aro uni gitokko rim·geke uko so·otna jotton ka·aha,” ine a·selko chagronggipa me·chikrangoni saksa kobor ra·timgiparangna aganaha.
Ia a·selko chagronggipa manderangni parakatani gitade, uamang Valera songona re·ange, Hindu manderangko Kristian pil·atna jotton ka·aha aro songo Krismasni askikoba kadena jotton ka·aha ine Valera songni manderang matnangtokahachim.
“Valera songo donggipa te 150 nokdangrangoni nokdang ge·bride Kristian toromko ra·aha ine songni manderang, chingkoba ua songona re·ange, Hindu manderangko Kristian pil·atna jotton ka·aha aro songona matchu be·en ra·e re·angaha ine matnangtokaha. Chinga Kristianrang aro Isolo bebera·giparang ong·genchimoba Isolni kattarangko skiprakgiparangde ong·paja aro chinga ua songona uamangko Kristian pil·atnade re·angja ine chinga uamangna talatna jotton ka·ahachim,” ine ia a·selko chagronggipa manderangoni saksa kobor ra·timgiparangna aganaha.
Uamangko chadrapengmiting somoio Palashbari Police Station-ni Deputy Inspector saksasa re·bae jokateaha aro ja·mano uamangko medical-na rimangenba walni somoio noktangtangona watatpilaha ineba a·selko chagronggipa manderang parakataha.
