SHILLONG: Meghalaya a·dokni Police department-o dingtang dingtang kamrangna ong·atenggipa Physical Efficiency Test (PET)-na dambri centre-rango admit card-rangko download ka·na man·engaha ine Inspector General of Police (IGP) Dalton P Marak u·iataha.
Dambri centre-rang, chong·motan 1st MLP Bn, Mawiong, Shillong; 2nd MLP Bn, Goeragre, Tura; 4th MLP Bn, Sohpian, Nongstoin aro 5th MLP Bn, Samanda, Williamnagar-o PET-ko dakna sienggipa candidate-rang, Meghalaya Police website-oniko an·tangtangni admit card-rangko download ka·na man·gnok ineba Marak u·iataha.
Je candidate-rangan PET-ni tarikko dingtangatna nangnikengachim, uamang Member Secretary, Central Recruitment Board, Meghalaya Police at the Office of Central Recruitment Board, Mawroh, Shillong-na ba [email protected]
PET-ni tarikko changsasan bodolna man·aigen ine janapatengon, PET-ni tarikko bodolna gita dorgastorangko ra·chakani bon·kamgipa tarikara January 2 tarik ong·gen aro uni ja·mande dorgastorangko ra·chakjawaha ine Marak parakataha.
Gital koborrangna pangnan Meghalaya Police website-ko nijringchina gitaba ua didiataha.
Maiba sing·na nanganirang donggenchimode, Central Recruitment Board-ni office-o ba office-ni somoio 6033164273 helpline nomborona ka·e sing·sandiatchina gitaba IGP didiataha.
